"In'n Hornung hebbt wi op de Computerie bi Plattpartu
en nieges Projekt anfungen, dat noch lang lopen warrt: en utföhrlichen
Excel-Kurs för Lü, de rein gor nix an Vörweten mitbringt. Dor weern wi heel
flietig düssen Maand: ganze 9 Delen sünd al dor, tosamen mit Öven un poor
Trick-Kapittel. Dormit köönt Anfängers al orrig wat beschicken, un wi wüllt
geern dat Grundweten gau trecht maken - süss hett een ja nix vun de Saak. Later,
mit dat Weten för "Fortgeschrittene", warrt dat denn beten mehr sutje vörangahn.
-- In Planung is ok en Word-Kurs op desülvige Aart."