02.12.2004 - Plattpartu aktuell
 
      PLATTNET-Nachrichten - 02.12.2004
 
 
    Nieges bi Plattpartu     www.plattpartu.de
 
 
In'n Nevelmaand weer orrig wat loos op Plattpartu. Mit de Festen, de de Nevelmaand bringt, un mit de Stille Tied vun't Dodengedenken sünd twee schöne Betrachtungen vun Rudi Witzke in "De Welt un Gott" rutkamen. Togliek hebbt wi avers en Nootprogramm för Winterdepressive un Sommernostalgiker in Gang sett:
  • Sünnünnergäng ut'n Sommer kaamt as Fotoserien op dat Natuurflack rut. 11 schallt dat warrn, 8 sünd al dor. Elk Sünnünnergang hett sin egen Gesicht un Charakter. (De groten Biller lohnt sik avers mehr för Lü mit DSL.)
  • Op "Plattdüütsch Künst" kümmt vun nu an elk Maand en lütte Foto-un-Vers-Bidrag rut -- avers mit Fotos ut de Tied nau 1/2 Johr trüch. Dat is en Erinnern un Verspreken togliek: Wat wi dor seht un halv vergeten hebbt, dat kümmt jüst so wedder! -- Düsse lütte Serie schall dat ganze neegste Johr lopen.
Bi Numanto.de sünd in'n Nevelmaand ok twee niege Gedichten rutkamen. 60 Gedichten hebbt wi dor nu! Man dorbi bleev dat nich düssen Maand. Goethe hett ja mal seggt, em harr dat "Sonettenfieber" packt. Na, Sonette sünd villicht en infektiööse Gedichtfoorm, avers liekso en epidemische Knööv hebbt Limericks! (Goethe harr dat man versöken schullt!) Uns Maat Claus Günther hett dat Limerick-Fever böös faatkregen, un de eersten Ergeevnisse seht Se bi Numanto.de -- klickt Se dat Link "Limericks" an. Un laat Se sik ansteken! Dor is noch Platz. Allens inschicken an mi. Dat Copyright blifft -- na klaar -- bi Se sülven!
 
Op de Links nerrn bruukt Se as jümmers man bloots klicken, dat Se henkaamt.

In'n Nevelmaand geev dat düsse niegen Bidrääg op Plattpartu.de:
 
Computerie:
 
Dat woor jümmer noch nix. (Süüfz!)
 
Plattdüütsch Künst:
 
 
De Welt un Gott:
 
Twüschen Knicks un Beken -- orrer Halloween? Vun Rudi Witzke   (6.11.)
Uns grote Krink. Meditaschoon to'n Volkstruerdag. Vun Rudi Witzke
    (14.11.)
 
Natuur un Wetenschap:
 
 
Wat in de Welt vörgeiht:
 
4 niege Kortkommentaarn in't Plattdüütsche Notizbook.

Vun Harten en wunnerschönes un richtig fierliches Wiehnachtsfest wünscht Se
 
Marlou Lessing und dat lütte Plattpartu-Team
 
webmaster@plattpartu.de
www.plattpartu.de
 
__________________________________________________________________________________________________________________________
 
PLATTNET.de   Nachrichten
Volker Holm, Buchenweg 35, D-22926 Ahrensburg, Tel. 49-4102-4739108 - www.plattnet.de
PLATTNET.de ist ein Dienst des Zentrums für Niederdeutsch in Holstein (www.zfn-ratzeburg.de)
Eine Weitergabe der Adressaten-Daten, vornehmlich für gewerbliche Zwecke, ist ausgeschlossen.
Das System wird ständig von "Norton AntiVirus" überprüft, um die Verbreitung von Viren zu vermeiden!
Wer in Zukunft keine e-Mail-Informationen von PLATTNET haben möchte, den bitten wir, uns das in einer kurzen Nachricht mitzuteilen: nieges@plattnet.de