31.12.2004
- Johreswessel
PLATTNET-Nachrichten
- 31.12.2004
Leve Frünnen, Kolleginnen un Kollegen,
Bekannte;
leve Adressaten vun de
PLATTNET-Narichten,
de Biller un Narichten ut Südasien sünd grulich un se
schockeert. Düt Unglück is so groot, dat een dat nich begriepen kann. As en
Sündfloot - jüst to Wiehnachten!
De Minschen an uns Küsten kennt de Gefohr, kennt de
Macht, de dat Water hett.
Man dat is anners as bi de Riesenwell ohn Vörteken bi
Sünnschien in't Strandparadies.
Stormfloot an de Nordsee seggt sik mehrstiets an.
Liekerdem: "De Minsch is 'n
Worm!" -
Wat brüllt de Storm?
De
Minsch is ’n Worm!
Wat brüllt de
See?
‘n
Dreck is he!
De Wind, de weiht,
up springt de Floot
Un sett up den
Strand ehr’n natten Foot,
Reckt sick höger
un leggt up ‘t Land,
Patsch, ehre
grote, natte Hand.
De lütte Diek, dat lütte
Dorp,
De Floot is
doröver mit enen Worp.
Door is keen Huus,
dat nich wankt un beevt,
Door wahnt keen
Minsch, de morgen noch leevt.
Wat brüllt de Storm?
De Minsch is ’n Worm!
Wat brüllt de See?
’n Dreck is
he!
(Gustav
Falke, "De Stormfloot", 1902)
(aus: Platt för Land un
Lüüd. Niederdt. Lesebuch für Schleswig-Holstein. Bd. 2, Husum Druck
2000)
De
Johreswessel schull wiss en beten besinnlicher utfallen
dütmol.
Ik
wünsch allens Gode för dat niege Johr 2005!
Juun / Ehr Volker
Holm
__________________________________________________________________________________________________________________________
PLATTNET.de
Nachrichten
Volker Holm, Buchenweg 35, D-22926
Ahrensburg, Tel. 49-4102-4739108 - www.plattnet.de
Eine Weitergabe der Adressaten-Daten,
vornehmlich für gewerbliche Zwecke, ist ausgeschlossen.
Das System wird ständig
von "Norton AntiVirus" überprüft, um die Verbreitung von Viren zu
vermeiden!
Wer in Zukunft keine e-Mail-Informationen von
PLATTNET haben möchte, den bitten wir, uns das in einer kurzen Nachricht
mitzuteilen: nieges@plattnet.de