En schönen
Fröhlingsanfang wünscht wi Se, leve plattdüütsche Frünnen!
Schoonst de
Hornung för so'n Maand beten kort weer, geev dat doch orrig niege Bidrääg op
Plattpartu. En niege Maat is Heinz Rehn ut Kiel, de ünner annern de anrögen
Betrachtung Dat Recht hinricht't bistüert hett un ok in
Tokumst wat schrieven warrt. Un siet nu nau 3 Johr gifft dat den Sünnschienkieker, de jümmers veel leest warrt.
Schoonst Vagels den Sünnschienkieker en Hartenssaak sünd, will he in
Tokumst nu ok över veerpotige Deerten schrieven -- un natüürlich över Weder, Eer
un Ümwelt.
Op Numanto.de
gifft dat mal ganz wat anneres Niegs: De Limericks vun Claus Günther sünd nich
mehr dor! Woso? Claus Günther woor "entdeckt" -- dat Limerick-Fever
präsenteert: A star is born! Claus Günther sin Limericks schallt as
Book rutkamen, man bloots, he mutt noch 140 Stück mehr dorto schrieven... un de
Verlag wull geern, dat de Limericks, de al trecht sünd, nich in't Internet
to lesen sünd -- verständlich. Do heff ik mi nu sülven henrieten laten un poor
Limericks schreven -- mehr so vun de makabre Aart. Un twee niege Gedichten
gifft't ok.
Nu de
Plattpartu-Översicht. Op de Links nerrn bruukt Se as jümmers man bloots klicken,
dat Se henkaamt.
In'n Hornung geev
dat düsse niegen Bidrääg op Plattpartu.de:
Computerie:
Plattdüütsch
Künst:
De Welt un
Gott:
Natuur un
Wetenschap:
Wat in de Welt
vörgeiht: