Leve
plattdüütsche Frünnen!
Wi höpt, wat Se en
schönes Oosterfest hatt hebbt!
Mit den Oosterbidrag is de Rehg över nedderdüütsches
Bruukdoom op uns Erinnern-Flack eenmal rund üm't Johr
lopen. Rudi Witzke schrifft dorto: "Weer veel Möh, up’e anner Siet heff ik veel bi mitkregen. Jümmer
sünd Kinner un Junglüüd ünnerwegens un „beddelt“ bi de Buurn üm dit un dat. Un
de Buurn is dat en Plicht, wat to geven. Jümmer ward vertellt, dat an dissen
Fierdag de Lüüd satt to eten kregen, ja, een ganzen Swattbroot un een ganzes
Wittbroot. Bi dat Eten mutt dat in vergahn Tieden bannig schraag togahn sien.
Un denn de Ängsten vör de bösen
Geister un Süken! Wat stellt se nich blots allens an. Un dat is jüm bannig
iernst mit de Verdrieverie un mit de Hülp bi’n
Süük."
De Fierdaag to Oostern woorn
vun Rudi Witzke op "De Welt un
Gott" mit besünnere (Bild-) Meditaschoonen bedacht. Ok
op't Natuur-Flack finnst Öösterliches bi
us.
Op Numanto.de
gifft dat ja nu meist al elkeen Maand en Update, un dat liggt ok an den
gefährlichen Limerick-Wahn (latiensch morbus limericus). Wieldess Claus
Günther över sin 140 Limericks för sin Book sweet, hett dat Limerick-Fever nu
Peter Perrey faatkregen. Ok en nieges Gedicht is avers dor -- en heel
aktuelles.
Nu de
Plattpartu-Översicht. Op de Links nerrn bruukt Se as jümmers man bloots klicken,
dat Se henkaamt.
In'n Märzmaand
geev dat düsse niegen Bidrääg op Plattpartu.de:
Computerie:
Hier woor Deenst
na Vörschrift schaven. Bloots de Ünnerwiesen to'n Adobe
Reader woor aktualiseert; de Sleefe vun Adobe hebbt ja
al wedder en niege Programmverschoon rutbröcht. -- Neegst Maand gifft't
mehr.
Plattdüütsch
Künst:
De Welt un
Gott:
Natuur un
Wetenschap:
Wat in de Welt
vörgeiht: