Leve
plattdüütsche Frünnen!
Sünd Se alle good vun de
Mai-Demo, den Blocksbarg un de annern Mai-Utflöög trüchkamen? Hett ja wunnerbaar
anfungen, de Mai, un dat schall sachs so blieven. "Veronika, der Spargel
wächst!" (Zitat Ende.) Den warrt wi uns smecken laten!
In den Oostermaand, de ja gor
keen richtigen Oostermaand weer (Oostern weer je al in'n Märzmaand), hett uns
lütt Team en normalen Arbeitsmaand bi Plattpartu afsolveert. Se mööt nich
denken, dat wi solk Saken as Schiller sin Dodesdag un dat Andersen-Jubiläum
afsichtlich ignoreert hebbt; nee, wi hebbt dorto natüürlich wat in petto. Anke
Nissen hett en lütte Reeg Andersen-Märken in Platt överdragen, dorünner ok heel
rore; un vun Schiller warrt dat nix Ringeres as de kumplette "Klock" op Platt
geven, de ik sülven överdragen do. Dat brukt bloots allens sin Tied. De Klock is man to 2/3 trecht,
un arbeiten mutt de Minsch ja ok (för Geld, meen ik). Man dat ganze Johr 2005 is
ja to'n Andersen-Johr un to'n Schiller-Johr utropen, un so mööt Se sik even noch
beten op de schönen Saken frein.
Nu de Plattpartu-Översicht. Op
de Links nerrn bruukt Se as jümmers man bloots klicken, dat Se
henkaamt.
In'n Oostermaand geev dat
düsse niegen Bidrääg op Plattpartu.de:
Computerie:
Plattdüütsch
Künst:
De Welt un
Gott:
Heiner.
Vertellsel vun Heinz Rehn ut de Reeg "Erinnern"
(23.4.)
Natuur un
Wetenschap:
Zeckenalarm! Infos vun
den "Sünnschienkieker" Gertrud Everding (17.4.)
Wat in de Welt
vörgeiht:
Denk mal! En Reed un
en Gegenreed to den Sinn vun Denkmale
(17.4.)
Hartlich grööt
Marlou Lessing und dat lütte
Plattpartu-Team