02.06.2005 - Plattpartu aktuell
 
      PLATTNET-Nachrichten -  02 .06 .2005 - 1
 
 
    Nieges bi Plattpartu     www.plattpartu.de
 
 
Leve plattdüütsche Frünnen,
 
beweegte Tieden sünd opstunns! De Maimaand keem mit Maifierdag, Kriegsenn-Gedenken, denn opmaal mit Niegwahlen, un in uns Flack "Wat in de Welt vörgeiht" spegelt sik dat in deelwies spontane Bidrääg vun uns Mitmakers. Man dat Leven geiht doch ok sinnig un in'n Maimaand sünnerlich moi wieder, un so hebbt wi schöne Natuur-Bidrääg nich bloots op't Natuur-Flack, man ok bi de "Künst" (Mai-Gröten, dat Märken vun'n Flass) un bi "De Welt un Gott" (Utfloog an'n Kummerower See). Vun de Andersen-Märken warrt in lose Folg noch stückerwat mehr in düt ganze "Andersen-Johr" dortokamen.
 
Neegst Maand fangt en niege Sommer-Reeg "School-Reformen op de Sunsche Wisch" an mit nadenkern un ok hööglich Skizzen ut dat School-Leven dör de verleden Tieden. Alle 14 Daag warrt dor en niege Geschichte kamen.
 
Op www.numanto.de sünd fief niege Limericks rutkamen. -- För de, de Claus Günther de Duums drückt hebbt, hier noch en Mellung: He hett dat schafft, hett 160 (!) Limericks trecht, de Verleger is begeistert, un in'n Harvst gifft dat dat Ganze as Book för 6,60 Euro.
 
Nu de Plattpartu-Översicht för den verleden Maand. Op de Links nerrn bruukt Se as jümmers man bloots klicken, dat Se henkaamt.
 

In'n Maimaand geev dat düsse niegen Bidrääg op Plattpartu.de:
 
Computerie:
 
De Ünnerwiesen to de Teknen-Symboolliest güng mit dree niege Delen wieder.

Plattdüütsch Künst:
 
H.C. Andersen: Dat Märken vun'n Flass. Översett vun Anke Nissen    (21.5.)
Notizen ut'n Saatmaand. Fotos un Versen    (14.5.)
Mai-Gröten mit Tedje Storm. Bild un Gedicht     (7.5.)

De Welt un Gott:
 
Fohrt na den Kummerower See. En gemeenschaplich Utfloog, opschreven vun Gisela Reink för de Reeg "Mit'nanner leven"     (21.5.)
Andacht ut Grönau: Deener un Huushöller. Vun Harry Ziebell     (14.5.)
 
Natuur un Wetenschap:
 
 
...un in't aktuelle Natuurnotizbook
Happy End in Krogaspe?     (28.5.)
 
Wat in de Welt vörgeiht:
 
Dood, Tranen un Schann -- uns Padd dörch de Johren? Vun Rudi Witzke, mit en Text vun Alexander Solschenizyn    (8.5.)
De Wunsch na Freden. Betrachtung to den Johrsdag vun't Kriegsenn. Vun Heinz Rehn    (7.5.)
De eerste Mai -- Weltlachdag?! Vun Gertrud Everding    (2.5.)
 
...un 3 niege Kortkommentaarn in't Plattdüütsche Notizbook.
 

 
Hartlich grööt
 
Marlou Lessing und dat lütte Plattpartu-Team
 
www.plattpartu.de
 
__________________________________________________________________________________________________________________________
 
PLATTNET.de   Nachrichten
Volker Holm, Buchenweg 35, D-22926 Ahrensburg, Tel. 49-4102-4739108 - www.plattnet.de
PLATTNET.de ist ein Dienst des Zentrums für Niederdeutsch in Holstein (www.zfn-ratzeburg.de)
Eine Weitergabe der Adressaten-Daten, vornehmlich für gewerbliche Zwecke, ist ausgeschlossen.
Das System wird ständig von "Norton AntiVirus" überprüft, um die Verbreitung von Viren zu vermeiden!
Wer in Zukunft keine e-Mail-Informationen von PLATTNET haben möchte, den bitten wir, uns das in einer kurzen Nachricht mitzuteilen: nieges@plattnet.de