Leve
plattdüütsche Frünnen,
in düssen Maand steek
ja woll allens binn, veel weer los bi us. Sotoseggen dat Gegendeel vun Ferien.
Kiekt wi mal dör:
Op de
"Computerie" is nu dat tweete Computer-Lehrbook op Platt rutkamen. Dat eerste
weer dat Grundweten to Excel (100 Sieden) in den Excelkurs. Dat tweete befaat sik mit Teknen un
grafische Objekte in de Office-Programme, hett 95 Sieden
un is natüürlich wedder gratis rünnertoladen, as allens bi us. Dat Thema is nich
so begäng as Excel, avers maakt heel veel Spaaß un is ok nütt, wenn een dat
kennt. As alle uns Computeranwiesen is dat afsoluut anfängerfründlich un licht
to verstahn, mit vele Biller. -- Bavento woor dat plattdüütsche Computer-Lexikon mal wedder orrig
putzt un kreeg en Swung niege Stichwöör. Dat Lexikon is blangenbi alltied de
an'n mehrsten besöökte Deel vun Plattpartu; dat wiest uns uns
Statistik.
Op dat Flack
"Künst" deit en niege Maat mit: Ludgerd Lüske is to de üm un bi 30 Lü tokamen,
de af un to orr regelmäßig wat to Plattpartu tostüürt. As eerst hebbt he un Anke
Nissen Klennerbläder för de Johrstieden mit Versen, Gedankens un Biller
gestalt't, toeerst mal den Sommer. För den Harvst schallt dor noch egen
Computergrafiken vun Ludgerd Lüske tokamen.
Besünners veel
Besöker hett de lütte
Sommer-Reeg "Schoolreformen up de Sunsche Wisch" op dat "Erinnern"-Flack antrocken;
de is nu leider toenn gahn. Dorför hebbt wi op dat Natuur-Flack noch
en niegen Maat kregen: Antje Heßler hett us wat över Höhnergötter
toschickt.
Op www.numanto.de gifft dat 1 niegen Limerick vun
Ute Biemüller un de Maanden-Versen vun Ludgerd Lüske.
Neegsten Maand kaamt ok
wedder veele schöne Bidrääg, ok niege Limericks vun Peter Perrey bi
Numanto, un in'n September bi Plattpartu denn endlich Schillers "Glocke" in
de eerste nedderdüütsche Kumplett-Översetten (vun mi). Freit Se sik
op!
Nu de
Plattpartu-Översicht för den verleden Maand. Op de Links nerrn bruukt Se as
jümmers man bloots klicken, dat Se henkaamt.
In'n Heumaand geev
dat düsse niegen Bidrääg op Plattpartu.de:
Computerie:
Plattdüütsch Künst:
Lütt
Goorn. Vertellsel vun Anke Nissen, een vun de "Top 25"
ut den düttjährigen NDR-Wettbewerb "Vertell doch mal"
(10.7.)
Natuur un
Wetenschap:
Wat in de Welt
vörgeiht:
Hartlich grööt
Marlou Lessing und dat
lütte
Plattpartu-Team