En schönen Aarndankdag wünscht
wi Se, leve plattdüütsche Frünnen!
To Aarndank finnt Se ok wedder
Foto un Vers
bi Plattpartu, denn Aarndank laat wi nienich links liggen. Man wokeen wi
anschienend links liggen laten hebbt, weer ja Friedrich
Schiller. Dat Johr 2005
is ja blangen dat Andersenjohr (200. Bortsdag) ok Schillerjohr (200. Doodsdag).
Andersen hebbt wi mit en lütte Reeg
Märken ehrt, avers wat weer mit Schiller? Ha! dat kümmt nu. De Harvstmaand weer nämli de Klockenmaand
op Plattpartu. De Schiller-Klocken-Maand. Ok Andersen stimmt in de Ehrung mit
in: Andersens Märken vun de
Kirchenglock un en Bidrag över dat Klockengeten as
Kunst an sik rahmt dat "Leed vun de
Klock" in, dat in de eerste plattdüütsche Kumplett-Översetten bi us to lesen
is. (Weltpremiere!) Dor bruukst 'n langen Aten to, dat dörtolesen; man langatmig
is dat dorwegen noch lang nich ;-)
Ok dat niege Klennerbladd för
den Harvst (mit Biller vun Ludgerd Lüske) is bi "plattdüütsch
Künst" to sehn, un bi de Natuur is ok wedder
veel los. Dat lett beten ungerecht, as de Bidrääg dütmaal verdeelt sünd. Man so
is de Welt! Un wi dütmaal ok. (Sünst sünd wi ja in'n Dörsnitt veeeel beter as de
Welt! :-))
Man dat Johr 2005 is ja ok
noch Einstein-Johr (50. Doodsdag)?! Upps! Schallt wi nu de Relativitäätstheorie
op Platt bringen? Na, ik weet nich. Wi sünd ja ok nich de offizielle
Gedenkmaschien; wi maakt, wat us Spaaß maakt un wat wi henkriegt. Dat Johr duert
noch beten, villicht kümmt noch wat -- un süss gellt de Natuurgesetten eenfach
wieder, as jedeen Johr.
Meist vergeten harr ik, dat op
Numanto wedder Nieges steiht:
Letzt Maand al (dor harr ik't würklich vergeten, pardon!) niege Limericks vun
Peter Perrey, dütmaal welk vun Claus Günther un de Harvstgedichten vun Ludgerd
Lüske.
Nu de Plattpartu-Översicht för
den verleden Maand. Op de Links nerrn bruukt Se as jümmers man bloots klicken,
dat Se henkaamt.
In'n Harvstmaand geev dat
düsse niegen Bidrääg op Plattpartu.de:
Computerie:
Plattdüütsch
Künst:
Natuur un
Wetenschap:
Wat in de Welt
vörgeiht: