Leve plattdüütsche Frünnen,
wi staht al merrn in'n Advent, den Advent
mit all sin Bedreevsamkeit un Behaglichkeit, vun de berüchtigte "Besinnlichkeit"
mal ganz stilltoswiegen. Un ik wünsch Se, dat Se en schönen un lebennigen Advent
fiert un dat de Adventskerzen för Se hell lüchten muchen.
Man ik much Se in düssen Rundbreef
nocheens mit trüchnehmen in den Nevelmaand, in de Stille Tied twüschen
Volkstruurdag un Dodensünndag, ut de rut wi op den Advent togaht. Mennig vun de
Bidrääg bi Plattpartu in'n Nevelmaand befaat sik mit Dood, Starven,
Afscheednehmen un Opbreken. Un ok de niegen Gedichten bi Numanto.de hebbt düt
Thema.
To'n
Volkstruurdag hett Rudi Witzke enkelte anrögen
Levensweeg in de Kriege vun't vergahn Johrhunnert de Ehr geven. Togliek keem de
Översetten vun Emily Brontë ehr liedenschapliche, wat düüstere Doden-Elegie (mit naues Textverglieken) rut. De Andacht vun
Reinhard Reetz över de "Klaagleder" föög sik as Drüttes
dorto.
To Ewigkeitssünndag, 'neem wi an all
uns Doden denkt, keem denn en lierlütt Gedicht vun Ute Biemöller dorto. - Düt
Gedicht, tosamen mit twee annere vun Ute Biemüller, finnst ok op Numanto.de in dat niege Update. Dorto
kümmt noch en Gedicht vun Silke Frakstein op ehrn doodbleven Vadder. So sünd
dütmaal twee niege Dichterstimmen op Numanto to höörn.
Mit de Fabel "Tosamendoon" maakt wi denn dat eerst
Adventslicht an un gaht rut in de Wiehnachtstied, de op Plattpartu wedder mit
vele schöne Bidrääg begahn warrn schall. Ok bi Numanto schall dat to Wiehnachten
noch en lüttes Extra-Update geven. Freit Se sik also op de nehge Tokumst - un,
wenn mööglich, ok op de fernere! Wi doot dat.
Nu de Plattpartu-Översicht för den verleden
Maand. Op de Links nerrn bruukt Se as jümmers man bloots klicken, dat Se
henkaamt.
In'n Nevelmaand geev dat düsse niegen
Bidrääg op Plattpartu.de:
Computerie:
Dütmaal keem nix Nieges. Nich övelnehmen,
leve Computerie-Fans! De Bidrääg hier bruukt besünners veel Arbeit, un dorför
heff ik nich jümmers Tied.
Plattdüütsch
Künst:
Natuur un
Wetenschap:
Wat in de Welt
vörgeiht:
Hartlich grööt Se
Marlou Lessing und dat lütte
Plattpartu-Team