"Nu heiht dat ok mit Platt dör de Stadt, dör de friee Hansestadt Bremen. Bi de Firma Art.tours, wo een nafragen kann, wenn’n sick Bremen maal so un ok maal anners wiesen laten will, daar kann’n ok vörher seggen: Man to, man to, man allens up Platt. ‚Uns Uwe‘ kann denn wat över de Binnenstadt mit Roland, Rathuus un Dom vertellen, man he föhrt ok elk un een, de dat will, dör de Böttcherstraat of dör den Schnoor. Un schull een sick gern noch anner Saken ankieken un verklaren laten, so as anner Stadtdeel – dat „Veerdel“ to’n Bispill – of de Wallanlagen un den Börgerpark, kann he un se sick de Historie mit Döntjes vertellen laten."