Schleswig-Holstein Magazin op Platt

Besünnern Johrsutklang för all Frünnen vun dat Plattdüütsche

(pn)  To’n Johrsutklang presenteert sik dat Schleswig-Holstein Magazin an’n Fridag, den 30. Dezember, mol ganz anners in dat NDR Fernsehen: Dat Niegste vun’n Dag ut Politik, Kultur un Sport un en Barg Geschichten vun em un ehr in Sleswig-Holsteen - man allens plattdüütsch!

De Reporters hebbt sik opmaakt, plattdüütsche Geschichten ut dat ganze Land to finnen: Se sünd to Besöök bi Familie Mordhorst ut Stock bi Schleswig, un de wiest uns, wo dat is, wenn Öllern und Kinners sik to glieke Tiet op Plattdüütsch un Hochdüütsch ünnerholen doot un wat dat för de plattdüütsche Spraak bedüden deit. De plattdüütsche Verteller Reimer Bull kümmt mit „Op un Daal“, siene Lust- un Lastgeschichten, „ünner’t Strohdack“ to Wort, un Carli Prehn hett plattdüütsche Utflugstipps för de Tokiekers. Sogar de Wedderkeerl Meeno Schrader, en oostfreesken Jung, presenteert sien Ies un Snee op Nedderdüütsch.

Dütt un noch veel mehr - nich bloots för Plattsnacker!