Hartli willkamen: Dat niege Johr is dor! 

Leve Frünnen,

sünd ji goot rinkamen? Weer sachs en lange Nacht mit Eten, Drinken, Vertellen un Lachen. Hebbt ji orrig Spijöök un Larm maakt un juun Spooß hatt?

Oder hebbt ji geruhig to Huus seten, den Fernseher oder dat Radio anhatt, Musik höört?

Üm Middernacht mit Sekt, Champagner, Prosecco anstött? Jedeen na sien Fassun.

Wüllt nu utslapen, lecker Fröhstück eten un den letzten Fierdag geneten. Morgen geiht dat wedder rund, de Alldag töövt al.

Wi wünscht jüm all en schönes "2006", blievt gesund un munter un maakt dat goot.

Allens Gode in't niege Johr!

De Lüüd vun't Plattdüütschzentrum in Holsteen

un vun'n Internetdeenst  PLATTNET