Prosit Niegjohr, leve plattdüütsche Frünnen!
Muchen 2006 Godes, Glück un Tofredenheit op Se un us alle töven!
In'n Christmaand weer ja bi Plattpartu
so richtig wat los. Elkeenen Sünndag is en wiehnachtliche Bidrag op dat Flack
"De Welt
un Gott" kamen -- vun ganz ünnerscheedlich Mitmakers
un Lesers inschickt. (Ja, ok de Oosternest-Bidrag is en
Wiehnachtsbidrag!) Passlich dorto warrt op dat Natuur-Flack vertellt, woans Sneeflocken tostann kaamt, de
Wiehnachtsmann warrt totaal dör'n Kakao
trocken, un beten ut den winterlichen Rahmen fallt bloots de grote Bidrag över
den Goornkünstler Hirschfeld bi de Künst.
Un ok bi www.numanto.de is wedder wat
Niegs! In en extra Wiehnachtsupdate geev dat wiehnachtliche Riemels vun
Silke Frakstein, Ludgerd Lüske un Walter Rathmann un een Sinterklaas-Limerick
vun Peter Perrey. Dat Limerick-Fever is ja to en faststahn Saak woorn, ik heff
al wedder niege Limericks toschickt kregen, de peu á peu alle rutkamen warrt.
2006 geiht also mit Wuppdich los, un wi ok.
Wi kiekt mit Toversicht in de Tokumst un höpt, dat Se dat ok köönt. Laat us
kandidel un strack uns Padden gahn un mit Lust un Weel Platt
snacken!
Nu de Plattpartu-Översicht för den verleden
Maand. Op de Links nerrn bruukt Se as jümmers man bloots klicken, dat Se
henkaamt.
In'n Christmaand geev dat düsse niegen
Bidrääg op Plattpartu.de:
Computerie:
Plattdüütsch
Künst:
De Welt un
Gott:
Natuur un
Wetenschap:
Wat in de Welt
vörgeiht: