Leve
plattdüütsche Frünnen,
is
wohraftig Märzmaand! Un wenn Se dat vunwegen den ganzen Snee nich recht glöven
mucht, kiekt Se mal hier. Dor hett
Antje Heßler knipst, woans liekers de Lent mit Macht kamen
deit.
De
Hornung weer as Maand ja man kort, man liekers hett sik mennigwat daan op
Plattpartu. Toeerst mal de trurige Naricht för de velen Fans vun den "Sünnschienkieker"
Gertrud Everding op dat Natuur-Flack: De
Sünnschienkieker bringt nu nich mehr elkeen Maand een Bidrag rut, sünnern bloots
noch as lose Reeg, ahn faste Termine. Wi sünd even allens Lü mit
Privaatleven un Profeschoon un wat nich allens, un dor fehlt denn af un to doch
de Tied. Man verswinnen deit de Sünnschienkieker nich, keen
Bang!
Dorför
warrt uns lose Reeg över Steens düssen
Maand al wiederföhrt mit den wunnerschönen Labradorit. Un ok de Fans
vun de atmosphärische Optik finnt en niegen Bidrag: över den Lichtpieler un den
sagenhaften Grönen Strahl. Wi hebbt ja peu à peu al den Regenbagen verklaart,
över Halos un Nevensünnen
vertellt, un nu den Lichtpieler. In'n Sommer maakt wi villicht noch wat över
Fata Morganas, denn sünd wi avers mit de atmosphärische Optik meist dörch un
fangt denn sachs mit dat Noordlicht an. Is allens in
Planung.
Op
dat Lübeck-Flack bi
de Plattdüütschen
Künst is en Bidrag ut
Rostock tokamen, de Geschicht vun't Opfinnen vun en "verlaren"
Gedicht. Dat is nu nich so, dat Rostock hier en Gastrull speelt. Nee! Alle
Lü ut de olen Hansestäder, de geern wat vun ehr Stadt ehr Kunstschätze un
Geschichte vertelln wüllt, sünd hier hartens willkamen! Schrifft Se
us man. Villicht heet dat Flack ja bald nich mehr bloots
"Lübeck".
Ludgerd
Lüske hett sik wat Sünnerlichs utfunnen un en Bild vun Caspar David Friedrich
digitaal verännert. Verglieken köönt Se dat hier. Un he
maakt wieder.
Nu
de Plattpartu-Översicht för den verleden Maand. Op de Links nerrn bruukt Se as
jümmers man bloots klicken, dat Se henkaamt.
In'n Hornung
geev dat düsse niegen Bidrääg op Plattpartu.de:
Computerie:
De Wordkurs hett twee niege
Lehrkapittel (Deel 10 un 11) kregen.
Plattdüütsch
Künst:
In'n Märkenwoold.
Panische Ballaad mit Fotos (26.2.)
Verglieken:
C.D.Friedrich digitaal bearbeit vun L.Lüske
(19.2.)
Rostock: De Klocken
vun'n Petriturm. Vun
Gisela Reink (12.2.)
Hänne. Vun Ludwig
Schmülling (5.2.)
Notizen ut'n
Heumaand. Fotos un Verse (5.2.)
De
Welt un Gott:
Düssen
Maand geev dat hier nix Nieges.
Natuur
un Wetenschap:
Dat Kruut för'n Märzmaand:
Beinwell (26.2.)
Steens: Labradorit. Vun
Anke Nissen (19.2.)
Lichtpieler un Gröne
Strahl. Vun Marlou Lessing (12.2.)
De Sünnschienkieker in'n
Hornung: So licht as Snee (6.2.)
...un
in't Natuur-Notizbook:
Fröhjohrsbaden!
(22.2.)
Wichelkatten!
(19.2.)
Water höört
alle to! (5.2.)
Wat
in de Welt vörgeiht:
Maat Jan:
Pressefrechheet. Satire (26.2.)
Baukstabiern. Anekdote vun
Jürgen Grebin (12.2.)
...un 5 niege
Kortkommentaarn in't
Plattdüütsche Notizbook.
Hartlich
grööt Se
Marlou
Lessing und dat lütte Plattpartu-Team