Leve plattdüütsche Frünnen,
nu wullen wi an'n 12. März en Naroop op den Winter
maken mit de schönen digitalen
Ies-Steerns, de Ludgerd Lüske extra dorför maakt harr. Avers nix mit Naroop!
De Winter harr us noch fast in de Kralln, as wi em wat naropen wulln. Liekers
sammeln sik in't Natuur-Notizbook al de
Fröhlings-Alarmmellen; Lent un Winter stunnen en poor Weken lang as
Parallelwelten blangenanner, as wenn Sünn un Maan togliek an'n Heven staht; un
dat spegelt sik ok bi us. Besünners dankt wi Antje Heßler, de in eensento op
Fotosafari weer un veel schöne Biller vun't Lent-Utbreken bi Planten un
Deerten maakt hett.
Un utbraken is de Lent nu ja ok würklich! To
Oosternhebbt wi wedder mennig schöne Bidrääg torechtleggt. Un op Oostern is ja
Verlaat; dat kümmt bestimmt, ok wenn de Lent beten laat keem.
Nu de Plattpartu-Översicht för den verleden Maand. Op
de Links nerrn bruukt Se as jümmers man bloots klicken, dat Se
henkaamt.
In'n Märzmaand geev dat düsse niegen Bidrääg op
Plattpartu.de:
Computerie:
Oh, oh! Hier hett de Tied wedder nich langt. Neegst
Maand seht wi to, dat dat beter warrt. Verspraken!
Plattdüütsch Künst:
Natuur un Wetenschap:
...un in't Natuur-Notizbook nix as
Fröhlingsgeföhlen:
Wat in de Welt vörgeiht:
Op www.numanto.de
gifft't ok wat Nieges! Twee Fröhjohrsgedichten vun Ludwig Schmülling, un
to'n eersten Maal överhaupt Deerten as "Dichterslüüd" bi de Limerix -- nämlich
Maxi un Morix, de Loop-Aanten vun Martin Botsch. Söte Limericks op ehr. Mal
rinkieken!
En segentes Oosterfest un bet neegsten
Maand!
Marlou Lessing und dat lütte
Plattpartu-Team