10.05.2006
- (6057) "Platt för hüüt un morgen" in Mölln
PLATTNET-Nachrichten - 10.05.2006 - 1
Stadthauptmannshof in Mölln, Sitz der Stiftung
Herzogtum
Lauenburg
„Platt för hüüt un
morgen“
Grote Resonanz op
nedderdüütsch Schrieverslüüddrepen in Mölln
(pn) En Barg Lüüd hebbt sik anmellt to dat eerste Drepen vun
plattdüütsche Schrieverslüüd in Mölln, dat an'n 13. Mai in de Ulenspegelstadt
stattfinnen schall. Wat se Ulenspegeleen or deepsinnige Texten vördregen warrn -
25 Manns- un Fruenslüüd wüllt ehr Geschichten
vördregen.
De "Stiftung Herzogtum Lauenburg" is Utrichter vun dütt Drepen
vun Schrieverslüüd in't Lauenborg'sche, un de kommt
ut ganz Norddüütschland tohopen. Dat Plattdüütschzentrum in Ratzborg (Zentrum
für Niederdeutsch) hölpt dorbi. Över den ganzen Dag gifft dat wat to beleven: Na
dat Begröten an'n Vörmiddag ward Dr. Reinhard Goltz vun't INS en Vördrag holen:
"De schrifft, de blifft - Lust un Last bi't Schrieven op Platt". Un denn geiht
dat ok glieks los mit dat plattdüütsche Vörlesen.
An'n Namiddag, in't "Literar'sche Café", warrn in't ganze Huus
de Schrieverslüüd ehr Texten vördregen. In de Paus is Tiet för Koffi un
Klönschnack.
An't Enn drept sik all nochmol in'n Saal to en literar'schen
Obend. Dor ward de Ledermaker Volkert Ipsen de Vörlesers hölpen, dat dat en
schönen Utklang vun den Dag geven deit.
Volker Pollehn vun de "Stiftung Herzogtum Lauenburg" un Volker Holm
vun dat Nedderdüütschzentrum Holsteen freit sik, dat ehr Idee, plattdüütsche
Schrieverslüüd in't fröhjohrsbunte Mölln intoladen, so veel Mitmakers
funnen hett. Se hööpt, dat ok dat Publikum den Weg finnen deit in den olen
Stadthauptmannshoff un dat all seggen doot: Na Mölln, dor kaamt wi geern
wedder!
Dat hele Programm vun den Dag is natolesen in den
Anhang.
_______________________________________________________________________________________________________________________________________________________________________
PLATTNET.de
Nachrichten
Eine Weitergabe der Adressaten-Daten,
vornehmlich für gewerbliche Zwecke, ist ausgeschlossen.
Das System wird ständig
von "Norton AntiVirus" überprüft, um die Verbreitung von Viren zu
vermeiden!
Wer in Zukunft keine e-Mail-Informationen von
PLATTNET haben möchte, den bitten wir, uns das in einer kurzen Nachricht
mitzuteilen: nieges@plattnet.de