de Heumaand hett den so nöömten "Super-Sommer" bröcht,
avers de so seggt, sünd mehrst Minschen, de nich ut de Stadt rutkamen doot.
'keen op't Land wahnt, den dreiht de Güüst un Noot vun de Natuur dat Hart in't
Lief üm. Een denkt an Storms "Regentrude". Na, nu is de Regen to'n Glück dor!
För de Aarn avers mehrst to laat...
De Natuur is verleden Maand ok wedder de Hauptpersoon
op Plattpartu west mit vele Bidrääg. Avers ok de annern Flacken hebbt
Leckerbeten to beden. Verse sünd ja wat, wat nienich raar warrt bi Plattpartu,
un so is ok bi Plattdüütsch Künst
wedder Bild-Lyrik to finnen. Besünners indrucksvull sünd Rudi Witzkes
Insel-Gedichte -- en Reis
över den Ozeaan in't Binnere vun'n Minschen. Bi de Grönauer Andachten is
ok wat in Riemels ankamen: en ganze lange Andacht, dörchriemelt
as en Vers-Epos vun Gisela Küter! Un op dat Erinnern-Flack is dat
Vertellsel "Goden Rutsch" vun
Anke Nissen to finnen. Düt Vertellsel keem bi den NDR-Wettstried "Vertell doch
mal" düt Johr ünner de Top 25. To Recht, as wi meent. - Opneegst wiest wi
ok de NDR-Wettstried-Geschicht vun Stina Nissen (16), de as een vun de gaaanz
jungen Verfaterschen ok ünner de Top 25 keem.
Nu de Plattpartu-Översicht för den verleden Maand. Op
de Links nerrn bruukt Se as jümmers man bloots klicken, dat Se
henkaamt.
In'n Heumaand geev dat düsse niegen Bidrääg op
Plattpartu.de:
Computerie:
De Wordkurs hett dree niege
Lehrkapittel kregen. Dat Trickkapittel to de Twüschenaflaag warrt avers
nalevert!
Plattdüütsch Künst:
Steentied. Bildgedicht
vun Ludwig Schmülling (24.7.)
Inseln. Gedichtfolg vun
Rudi Witzke (2.7.)
De Welt un Gott:
Natuur un Wetenschap:
...un in't Natuur-Notizbook:
Wat in de Welt vörgeiht:
Hartlich grööt
Marlou Lessing und dat lütte
Plattpartu-Team