03.09.2006 - (6107) Plattpartu aktuell August 2006
 
        PLATTNET-Nachrichten - 03.09.2006 - 2 
 
        www.plattpartu.de
 

 

Leve plattdüütsche Frünnen,

 

de Sommer seggt Adjüs, wi avers seggt Hallo un kiekt trüch op den Aarnmaand bi Plattpartu. Bidrääg op de Flacken De Welt un Gott un Natuur hebbt düssen Maand domineert. Bi de Natuur hett Antje Heßler mit Elan ehr Kamera swungen, Aanten un Hummeln aflicht un bavento ok Rosen, tosamen mit en lütt Märken för Plattdüütsch Künst. So richtig Sommer. Dat anner Thema, dat uns blangen de Natuur beweegt hett, weer de Krieg in Nahoost -- orr beter dat niege Utbreken vun den Krieg, de dor ünner de Överflach alltied kaakt as hitte Lava. Snaaksch is, dat ik un de Maten, de süss dat Flack Wat in de Welt vörgeiht beschickt, över düt Elend dat Stillswiegen kregen hebbt. Man Rudi Witzke hett bi De Welt un Gott Wöör funnen, de över Politik rutgaht: de Gedankens to Bröderlichkeit un den Pilgerweg dör Jerusaleem. -- Sinnlos, gode Wöör to seggen? So zynisch, dat to glöven, much ik nienich warrn. Denn bün ik lever naiv un tutig!

 

Ok de annern Bidrääg sünd Parlen, t.B. Silke Fraksteins inföhlen Wöör ut de Sicht vun en dementen Minschen. Op de Plantenbidrääg vun Anke Nissen bruukt een ja nich mehr henwiesen, de hebbt ehr faste Fan-Gemeen :-)

 

Nu de Plattpartu-Översicht för den verleden Maand. Op de Links nerrn bruukt Se as jümmers man bloots klicken, dat Se henkaamt.


In'n Aarnmaand geev dat düsse niegen Bidrääg op Plattpartu.de:

 

Computerie:

De Wordkurs hett en nieges Lehrkapittel kregen, un dat Trickkapittel to de Twüschenaflaag is ok endlich dor.


Plattdüütsch Künst:

Dement. Wöör vun Silke Frakstein    (20.8.)

Notizen ut'n Sneemaand. Biller un Verse    (14.8.)

Rosentiet. En Biller-Märken vun Antje Heßler    (6.8.)


De Welt un Gott:

Gebeet ut Westafrika. Freud un Dank, Verfater unbekannt    (27.8.)

En Pilgerweg in Jerusaleem, föhrt vun Rudi Witzke    (20.8.)

Andacht ut Grönau: Solt un Licht. Vun Harry Ziebell    (14.8.)

Bröder in't Land Kanaan. Vun Rabbi David Meyer    (6.8.)

De fiefunsöbentigste Geburtsdag. Vertelln vun Stina Nissen    (6.8.)

 

Natuur un Wetenschap:

Dat Kruut för'n Harvstmaand: Hirtentäschel. Vun Anke Nissen    (30.8.)

Hogen Besöök vun de Hummelkönigin hett Antje Heßler kregen    (27.8.)

Digitalis, de Fingerhoot. Krüderbeschrieven vun Anke Nissen    (20.8.)

Aantenbortsdag. Antje Heßler vertellt mit de Kamera    (14.8.)

Worhen flügg eine Toornuule? Beobachten vun Ludgerd Lüske    (6.8.)

 

...un in't Natuur-Notizbook:

 

Dat grote Fladdern    (26.8.)

 

Wat in de Welt vörgeiht:

 

Düssen Maand bloots 1 niege Kortkommentaar in't Plattdüütsche Notizbook.

 


Hartlich grööt Marlou Lessing und dat lütte Plattpartu-Team

 

_____________________________________________________________________________________________________________________

PLATTNET.de   Nachrichten
Volker Holm, Buchenweg 35, D-22926 Ahrensburg, Tel. 49-4102-4739108 - http://nachrichten.plattnet.de
PLATTNET.de   Nachrichten-Archiv: alle Nachrichten unter http://archiv.plattnet.de/
PLATTNET.de ist ein Dienst des Zentrums für Niederdeutsch in Holstein (www.zfn-ratzeburg.de)
Eine Weitergabe der Adressaten-Daten, vornehmlich für gewerbliche Zwecke, ist ausgeschlossen.
Das System wird ständig von "Norton AntiVirus" überprüft, um die Verbreitung von Viren zu vermeiden!
Wer in Zukunft keine e-Mail-Informationen von PLATTNET haben möchte, den bitten wir, uns das in einer kurzen Nachricht mitzuteilen: nieges@plattnet.de