Harvstlich-hartliche
Gröten an'n Aarndank-Avend, leve plattdüütsche Frünnen!
Ja, nu is de
Sommer toenn. Noch eenmaal weer't schöön, mild un warm, dat de Afscheed licht
warrt; Aarndank bringt den Harvst. De Swulken, vun de Gisela Küter un Antje Heßler op ünnerscheedlich Wies vertellt,
gaht op grote Fohrt. Nieges kümmt.
Bi Plattpartu
geev dat in'n Harvstmaand mit Jürgen Brakes dramatisches Vertellsel en niege Stimm. Op de Computerie hett de Wordkurs mit dat 18. Kapittel (Rahmen) nu de
100-Sieden-Schallgrenz nahmen -- dat reine Lehrbook, de Tricks un Öven tellt
noch extra. Noch wenig Kapittel (Listen; lange Dokmente) fehlt, denn warrt de
Stoff as Ganzes as Book to'n Download anbaden -- nich bloots kapittelwies. Man
ok dorna geiht dat wieder.
Op www.numanto.de is nich de 100, avers doch al de
99 reckt -- dree niege sünd tokamen, 99 Gedichten sünd dat dor nu. Wenn ik
richtig tellt heff. Un natüürlich ahn de Limericks. Man al heff ik
Wiehnachtsgedichten op de hoge Kant, de mi Lesers toschickt hebbt -- de 100 is
also wiss. So wiss, as Wiehnachten kamen warrt :-)
Nu de
Plattpartu-Översicht för den verleden Maand. Op de Links nerrn bruukt Se as
jümmers man bloots klicken, dat Se henkaamt.
In'n Harvstmaand
geev dat düsse niegen Bidrääg op Plattpartu.de:
Computerie:
De Wordkurs hett en nieges Lehrkapittel kregen.
Trickkapittel un Öven to Tabstopps un Rahmen warrt folgen.
Plattdüütsch
Künst:
PlattArt-Festival.
Veranstaltungstipp (24.9.)
Licht lücht de Richt. Bild un Verse vun Rudi
Witzke (17.9.)
Notizen ut'n Hornung. Biller un
Verse (10.9.)
Lübeck: Slott Rantzau
(3.9.)
De Welt un
Gott:
De
Wett. Kulinarisches Vertellsel vun Rudi Witzke
(24.9.)
De Swalken vun Grönau. Ballaad vun Gisela
Küter (24.9.)
Däi Schlach. Vertellsel vun Jürgen
Brake (17.9.)
Andacht ut Grönau: Höpen. Vun
Henning Tappe (3.9.)
Natuur un
Wetenschap:
Dat Kruut för'n Saatmaand:
Kalmuswörtel (28.9.)
Swarte Sünn un lütte Rookswulken, beobacht vun
Antje Heßler (17.9.)
Steens: Beryll. Vun Anke
Nissen (10.9.)
...un
in't Natuur-Notizbook:
Ünner de
Pappel
(17.9.)
Wat in de Welt
vörgeiht:
Maat Jan: Christen ünner sick.
Satire (13.9.)
Dat Eva-Prinzip. Satire
(7.9.)
...un 7 niege
Kortkommentaarn in't Plattdüütsche
Notizbook.
Hartlich
grööt
Marlou Lessing
und dat lütte Plattpartu-Team