NDR-Fernsehen: „Schleswig-Holstein Magazin“ op Platt an’n 7. Okt. 2006

(pn) Plattdüütsche Week in’t NDR-Fernsehen. Ok dat „Schleswig-Holstein Magazin“ maakt mit: An’n Sünnavend gifft dat wedder mal en Uutgaav op Platt, präsenteert vun Kay Wohlsen un Mechthild Mäsker. Gast in’t Studio is Ina Müller.

Is bannig wat los in’t Land an’n Sünnavend: In Plön hett Optiker-König Günther Fielmann dat Slott restaureern laten un fiert dat mit en groot Börgerfest. In Rendsborg steiht de E.ON Hanse-Cup an: De besten Achter-Ruderers maakt ehr Rennen an’n Sünndag. Dor is ok een Dag vörher al allerhand Weeswark an’n Kanal rund üm de NDR-Bühn. Dat Magazin ward doröber berichten.

7.10.: Sleswig-Holsteen Magazin op Platt: Klock halvig acht bet Klock acht an’n Avend.

Keen nich in’n Sendeberiek vun NDR Sleswig-Holsteen wahnen deit, de kann sik de Sendung ankieken an’n Sünndag, Klock 10 in’t NDR-Fernsehen.

Infos to de Sendung an'n Sünnavend ünner: http://www3.ndr.de/ndrtv_pages_special/0,3144,SPM2376,00.html?SID=64849107

(PLATTNET-Nachricht)