Hartlich Gröten, leve plattdüütsche
Frünnen!
Annerletzt is mi wat nieges Oles begegent: de
niege Eutiner Klenner. An en Tanksteed is he mi in de Mööt kamen -- 'neem ik em
wiss nich verwachten weer. Natüürlich heff ik een mitnahmen. De Eutiner Klenner!
Ik erinner em noch ut Kinnertieden. Min Moder hett em elk Johr köfft un mi to
lesen geven. Dat schien mi as vun'n Mars, sünnerlich as
Lüttdeern. Mehrst heff ik vörnan leest, in den nostalgisch anmoden
Klennerdeel mit de wunnerlich krallen Maandgesichter un de faszineern
"Trächtigkeitstabelle" för Deerten. De Geschichten un Riemels achtern,
dor much ik nich recht bigahn; de Spraak leet mi frömd un snaaksch, dat
grugel mi binah. Liekers wull Mama, dat ik mit de Spraak vertruut woor; dor leeg
ehr an, un se snack totieden Platt mit mi, ok wenn ik op Hooch antern dä. Wat
dank ik ehr dat vundaag! Eutiner Klenner, du ooltmoodsches Kleinood, du
schast mi willkamen ween!
Bi de Künst kaamt de Fans vun de
stillste Aart vun Gedichten wedder op
ehr Kosten. Op dat Natuur-Flack un in't Natuur-Notizbook hett
Antje Heßler düssen Maand luter Begegnungen vun de achtbeente un sössbeente
Aart. Natüürlich mit de Kamera fasthollen! Dat Kruut, dat ja
mennig Fans hett, is dütmaal de Petersill.
Nu de Plattpartu-Översicht för den verleden Maand. Op
de Links nerrn bruukt Se as jümmers man bloots klicken, dat Se
henkaamt.
In'n Saatmaand geev dat düsse niegen Bidrääg op
Plattpartu.de:
Computerie:
De Wordkurs hett en nieges
Lehrkapittel kregen.
Plattdüütsch Künst:
Natuur un Wetenschap:
...un in't Natuur-Notizbook:
Wat in de Welt vörgeiht:
Hartlich grööt
Marlou Lessing und dat lütte
Plattpartu-Team