| Dateianhänge: |
Printen.pdf (22.9 kB) |
Backrezepte ut
ole Tieden!
vun
Bäckermeister Jehann Adolf Kruse
Bäckerknaben sünd
Edelknaben
wat se sik vun de Finger
schaven,
dor mööt sik Kaiser un
Könige
an
laven.
Dat steiht vörweg in dat
plattdüütsche Backbook vun Jehann Adolf Kruse un wiest op, wi stolt he op sien
Beruf is. Kann he avers ok sien, de gebürdige Nordstrander un hüdige
Vörstandsliddmaat in de Fördervereen Plattdüütsch-Zentrum Leck. He is as junge
Kirl rümkamen un hett in vele Backstuben sien Deeg anröhrt. De Meisterprüfung
1961 in Hannover avleggt un denn 10 Johr lang op Nordstrand mit sien Fru Rita
tosamen op England en Bäckerie bedreben.
Dorna as Backstubenbaas bi
en Grootbäckerie in Flensborg arbeidt un ümmer de Oogen op hat na ganz besünnere
Rezepte för Broot, Koken un Plätten. Un nu as Rentner hett he endlich de Tiet
funnen, all disse olen Rezepte mal in en Backbook tosamentoschrieven un dat
allns op Platt. Dorbi rutkamen sünd 31 Rezepte för Broot un Koken un 28 alleen
för Plätten. Avers dat sünd man nich blot son Rezepte, de du an jedeen Eck
kriegen kannst. Nee, dat hannelt sik üm ole Rezepte ut de Generatschoon vun
Groot- un Urgrootöllern un noch wieder torüch, de Jehann A. Kruse in Loop vun
sien Arbeitstiet jichtenswo opsammelt hett. ?Tum Bispill de Mischung vun de
Printen or de Preetzer Brune Plätten un de Oort un Wies vun dat Torechtmaken. De
Ursprung kann ik över 5 Generatschonen torüch verfolgen!? vertellt Jehann. Un
dorüm sünd ja ok nich blot de Todaten in dat Book opföhrt, sünnern ok as wo dat
genau tosamenröhrt ward, wie lang un wie hitt de Deeg in de Aaven blieven schall
usw.
?Disse Maakoort is ja noch
ut de Tiet, as dat noch keen industrielle Backdeeg geev. Allns wurr in jede
Bäckerie vun Hand maakt un dorüm harr jedeen ok sien Egenorten?, bericht Jehann
A. Kruse un vertellt tum Bispill, wie he an dat originale Botterkringelrezept
vun Hein Bäcker op Nordstrand kamen is.
Denn Hein Ingwersen, op de
Insel blot Hein Bäcker nömt, wull sien Rezept vun de Nordstrander Botterkringel,
dat he ok vun sien Vörfahrn harr, nich priesgeven. ?Wenn he damals de Deeg
dorför anröhrte, denn wurrn sien Mitarbeiter ut de Backstuuv schickt!? weet
Jehann to berichten, un denn harr sien Lehrmeister de Bäckerie vun Hein
Ingwersen köfft. ?Doch as he dat Botterkringelrezept priesgeven schull, durv ik
as Lehrjung dat nich to weten kriegen un schull rutschickt warn. Avers mien
Lehrmeister Mandus hett protesteert un meent, Jehann schall hier backen un denn
mutt he ok dat Rezept kenn!?
Ja, so werr dat fröher,
jedeen Bäcker harr sien Geheimrezepte, de he nich priesgeven wull, üm de
Konkurrenz en Nees vörruut to wehn.
Op de Fraag, wer denn bi`t
Huus dat Backen övernahmen hett, he Jehann or sien Fru Rita, kümmt de klore
Antwurt: ?Koken un Plätten sünd mien Saak!?
(Anlaag: en Bispill ut dat
Book: Printen)
Mit sien Backbook hett
Jehann Adolf Kruse en lüttje kulturelle Bidrag to de Geschicht över dat Backen
un de Rezepte in ole Tieden levert.
Dat Book is för 8,50 ? in
dat Plattdüütsch-Zentrum Leck, Flensburger Str. 18, to kriegen. Telefon
un AB 04662/77272
(Plattdüütsch-Zentrum Leck -
www.plattdeutsches-zentrum.de)
_____________________________________________________________________________________________________________________________________________________________________
PLATTNET.de
Nachrichten
Volker Holm,
Buchenweg 35, D-22926 Ahrensburg, Tel. 49-4102-4739108 - http://nachrichten.plattnet.de
PLATTNET.de Nachrichten-Archiv: alle Nachrichten unter
http://archiv.plattnet.de/
PLATTNET.de ist ein Dienst des Zentrums für Niederdeutsch in
Holstein (www.zfn-ratzeburg.de)
Eine Weitergabe der
Adressaten-Daten, vornehmlich für gewerbliche Zwecke, ist
ausgeschlossen.
Wer in
Zukunft keine e-Mail-Informationen von PLATTNET haben möchte, den
bitten wir, uns das in einer kurzen Nachricht mitzuteilen: nieges@plattnet.de