En schöne eerste Adventsweek wünscht wi, leve plattdüütsche Frünnen!

Dat eerste Advents-Update is al buten, mit Christroos un twee Bild-Gedichten, dor mutt ik Se för düssen Överblick noch mal trüch mit in'n Nevelmaand nehmen. Dat Weder maakt dat avers licht, denn so recht Winter will't ja noch nich warrn. Un de Wiehnachtstied kümmt sowiso, as jedeen Johr, to gau. Se luert een graadto op un överfallt een achterrücks, wenn een jüst vun'n Harvst Afscheed nehmen will.

In'n Nevelmaand weern de Maten op alle Flacken vun Plattpartu kreativ togang. De Wordkurs wasst un hett al 120 Sieden (ahn Öven un Tricks); to Wiehnachten kümmt't denn ok as Ganzes. -- An Volkstruerdag un Ewigkeitssünndag staht Verse, de de Erstarrung vun Truur dörbrekt in't Bewegen; in de stille Tied vun Dodengedenken dortwüschen gifft't en Inblick in Gräver un Gräffnissitten in't ole Jerusalem.

Bi de Natuur geiht de lose Reeg över Steens mit de Koralle wieder, un Antje Heßler stellt uns en Minisnick un den smarten Jan Flink vör. Un en Begröten vun den Klimawannel finnt wi ok.

Op www.numanto.de geev dat to'n Christmaand veer niege Gedichten, de avers alle noch nevelmaandlich-harvstlich sünd un bloots ganz sachen op de Wiehnacht tostüert. To Wiehnachten schall dat nochmal egens en Wiehnachtsupdate geven, so in de letzte Adventsweek.

Nu de Plattpartu-Översicht för den verleden Maand. Op de Links nerrn bruukt Se as jümmers man bloots klicken, dat Se henkaamt.

In'n Nevelmaand geev dat düsse niegen Bidrääg op Plattpartu.de:

Computerie:

De Wordkurs hett twee Lehr-, twee Öven- un twee Trickkapittel dortokregen un stüert gefährlich up Kumplettheit to -- tominnst för den Grundweten-Deel. 

Plattdüütsch Künst:

O ewich is so lanck. To'n Volkstruerdag    (19.11.)

Notizen ut'n Oostermaand. Fotos un Verse    (5.11.)

De Welt un Gott:

To'n Ewigkeitssünndag. Biller un Verse    (26.11.)

Vun Graffsteden in Jerusalem. En histoorschen Rundgang    (22.11.)

Is Vadder Gott doot? Rudi Witzke kiekt achter de Religionen    (12.11.)

Andacht ut Grönau: Tüüchnis afleggen    (5.11.)

Natuur un Wetenschap:

Jan Flink is Katteker bi Antje Heßler in'n Goorn    (26.11.)

Steens: Koralle. Vun Anke Nissen    (12.11.)

En lütt Snick vertellt Antje Heßler wat vun sik    (5.11.)

...un in't Natuur-Notizbook:

Sünnenkinner    (22.11.)

Wildswien-Alarm    (16.11.)

Wat in de Welt vörgeiht:

De Klimawannel un ik    (19.11.)

De Ünnerschicht bekiekt sik Jürgen Grebin    (22.11)

Maat Jan: Freedhoffsruhe. Satire    (12.11.)

...un 3 niege Kortkommentaarn in't Plattdüütsche Notizbook.

Hartlich grööt

Marlou Lessing und dat lütte Plattpartu-Team