PLATTNET-Nachrichten - 29.12.2006 - 1
Johann
Hinrich Fehrs: Achter de Wicheln
Die Fehrs-Gilde ist 90
Jahre alt geworden.
Aus diesem Anlass ist ein
wunderbarer Gedichtband erschienen:
Plattdeutsche Lyrik von
Johann Hinrich Fehrs und stimmungsvolle Fotografien von Michael Ruff hat
Marianne Ehlers ausgewählt, um den Leser durch die verschiedenen Jahres- und
Lebenszeiten zu begleiten.
Es ist ein Buch voll
textlicher und bildhafter Poesie entstanden, das einlädt zu Träumen, zum
Nachdenken oder einfach zum Erfreuen. Der Leser wird es immer wieder gern zur
Hand nehmen!
"Johann
Hinrich Fehrs (1838-1916) is en vun de groten nedderdüütschen Schrieverslüüd.
Boren in dat lütt Dörp Möhlenbarbeek as en vun twölf Kinner, groot wurrn op de
lütt Buernsteed vun sien Öllern, weer em de Dichterstand nich jüst in de Weeg
leggt. Sien öllern Broder, de Schoolmester warrn schull, full in 'n Krieg. De
Böker för de Utbillen weern al köfft, un so kreeg denn „Jehann“ se mit op den
Weg. Na de Seminaristentiet in Eckernföör weer he Dörpschoolmester in
Störkathen, Reinfeld, Altona un Itzhoe.
1865
övernehm he de private Deernsschool vun Amalie Requate. Se wurr denn sien Fru un
kümmer sik üm de söven Kinner. Bit 1903 harr he dat Leid vun düsse School för
„Högere Döchder“. Vun 't Schrieven alleen kunn ok domals de Dichter nich leven.
De letzten Johren verbröch he in dat Huus Kloosterhoff Nr. 5 in Itzhoe. En
plattdüütsch Tafel an dat Huus vertellt dorvun. In de „Fehrs-Stuuv“ in 'n
Prinzesshoff (Kreismuseum) köönt de Besökers an em denken un sik op em un sien
Wark besinnen.
Man
woveel Lüüd gifft dat noch, de sik op den Weg na „Ilenbek“ maakt, as
Möhlenbarbeek in de Fehrs-Böker heet? Woveel Lüüd hebbt „Maren“, den groten
Dörproman leest? Un de Gedichten? Hier sünd se nu, in en lütt Book, blots de
plattdüütschen, un ok dorvun nich all - man tosamenstellt mit Fotos ut Fehrs
sien Ümfeld, so as dat vundaag, 90 Johr na sienen Dood, utsüht. Biller vun
vundaag un Lyrik vun güstern, schull dat woll gahn? De Leser un Billerkieker mag
dat sülven för sik kloormaken.
Wat
schrifft Albert Schwarz in en Rezension to enen Lyrikband mit Fehrs-Gedichten in
dat Johr 1902, afdruckt in „De Eekboom“?
„De
Dichter maakt kenen luden Praat mit sien Gedanken, he schriggt sien Freud un
Leed nich rop in de Wulken, nee, dat is nich sien Oort, mit stille ruhige Ogen
kickt he in de Welt, un mit slichte schöne Wöör sprickt he sien Gedanken ut,
bekennt he dat, wat he föhlt ... un he weet ümmer, dat de Dichter en Künstler is
un sien mutt, un översüht nie de Grenzen vun de Kunst.“
Vundaag
sünd wi denn doch nich so swögig, laat de Gedichten för sik spreken un freut uns
över de passlichen Fotos. Düt Book schall uns mitnehmen un „Fröher un Vundaag“
en lütt Stück tosamenknütten."
(Vorwort von Marianne Ehlers)
Johann Hinrich
Fehrs
Achter de
Wicheln
Gedichten
Neumünster: Wachholtz
Verlag 2006
ISBN
3-529-0-4771-6
12,80
Euro
________________________________________________________________________________________________________________________________________________________________________