Föhlt Se sik noch
wiehnachtlich na de ganze Knallerie? Mit dat niege Johr fangt al wedder niege
Plichten an -- man noch is liekers Wiehnachtstied! Wi bi Plattpartu weern
to Wiehnacht ganz platt: Uns Maten, Mitmakers un Lesers hebbt uns düt Johr
so en Barg an wiehnachtlich Vertellsel, Riemels, Betrachten un Berichten
schickt, dor weer dat Enn vun weg. Dank an alle, de bidragen hebbt!
Märkenhaftigs steiht dor blangen brutale Wirklichkeit, Hexen blangen
Christrosen, persöönliche Erinnern blangen biblische Figuurn. Dor kannst
nix besünners rutstrieken, allens leevt un atent. Wi hebbt meist allens över
Advent un Fierdaag verdeelt rutbröcht; bloots gaaanz poor Texte liggt op de hoge
Kant för neegste Wiehnachten :-) In de Liste nerrn köönt Se allens
finnen.
För de Fans vun
de Computerie geev dat en beten lates Wiehnachtsgeschenk: de Wordkurs is nu kumplett rutkamen, avers mit
de Kapittel to dat grote Thema "grafische Objekte"! Dat sünd alltohoop söss
niege Kapittel. Tricks un Öven folgt noch. Dat Grundweten-Lehrbook, dat Se nu
kumplett downloaden köönt, ümfaat 150 Sieden. Dat is doch wat, nich? Gratis
gifft dat so en Lehrbook in't Web bloots bi us op Platt. - Un in't niege Johr
geiht dat wieder mit Tabelln un anner wichtige Themen.
Ok op www.numanto.de geev dat noch en richtiges
Wiehnachtsupdate mit veer niege Gedichten, dorünner welk vun twee niege
Dichterslüüd. Dat freit besünners.
In de neegsten Maanden
geiht dat avers wedder sinniger wieder! Nich mit solk Bargen an Bidrääg. Liekers
warrt't intressant - schast sehn!
Nu de
Plattpartu-Översicht för den verleden Maand. Op de Links nerrn bruukt Se as
jümmers man bloots klicken, dat Se henkaamt.
In'n Christmaand
geev dat düsse niegen Bidrääg op Plattpartu.de:
Computerie:
De Wordkurs hett söss Lehrkapittel tokregen is
nu nich mehr bloots kapittelwies, sünnern ok kumplett rünnertoladen: dat
Grundweten-Lehrbook ümfaat 150 Sieden. De Trick- un Övensammlungen kaamt later
dorto.
Plattdüütsch Künst:
De
Tramünner Vogtei, vörstellt vun Antje
Heßler (31.12.)
De
groot Stern. Lübecker Wiehnachtsbetrachten vun K.-H.
Nissen (26.12.)
Lübeck:
Dat Behnhus (10.12.)
Notizen
ut'n Maimaand. Fotos un Verse
(10.12.)
Aobendland. Bild-Gedicht vun Ludgerd
Lüske (3.12.)
De Welt un
Gott:
Güntsiet vun
Eden - Nino de Angelo op Platt
(31.12.)
Dat
staohlen Jesuskind. Höögliche Riemelgeschicht, översett
vun Ludgerd Lüske (26.12.)
Josef is nix as
mööd. Rudi Witzke vertellt vun en vergeten
Helden (25.12.)
De Fraag. En
wohre Geschicht, navertellt vun Rudi
Witzke (24.12.)
Gifft dat en
Christkind?
(23.12.)
Hans un
de Teelichten. Vertellsel vun Brigitte
Fokuhl (23.12.)
De
Wiehnachtshex is Silke Frakstein begegent - is
wohr! (20.12.)
Ok een
Advent... En Oprütteln vun Rudi Witzke
(17.12.)
Kuss - orr:
Grootmudders Baisers. Rezept-Geschicht vun Waltraud
Vogt (14.12.)
Wichern:
Wiehnachtsmänner her! Vun Anke Nissen
(14.12.)
Erinnern: Use Wiehnachtsklocke. Vun Jürgen
Brake (10.12.)
Adventssnoor. Vun Silke
Frakstein (5.12.)
Wiehnachtsbaum. Vers-Nadenken vun Ludwig
Schmülling (3.12.)
Natuur un
Wetenschap:
De
Dannenboom, vörstellt vun Antje Heßler
(17.12.)
Dat Kruut
för'n Christmaand: De Christroos. Vun Anke
Nissen (3.12.)
...un in't
Natuur-Notizbook:
En Wiehnachtsspazeergang maakt Karin
Albrecht (26.12.)
Wat in de Welt
vörgeiht:
6 niege
Kortkommentaarn in't Plattdüütsche
Notizbook.
Hartlich
grööt
Marlou Lessing und dat
lütte Plattpartu-Team