(7015) Plattpartu aktuell in'n Januar 2007

Leve plattdüütsche Frünnen,

düt is de Rundbreef för'n Sneemaand -- nich to glöven; den Maand warrt wi wohl mal ümdöpen möten. Sneeklockenmaand? Krokusmaand? Orr wi seggt eenfach Januor.

Na, op jeden Fall is vun't niege Johr de Lack al af, un Patina is dor noch nich wedder an. Wüllt höpen, dat en solides Johr dorünner vördag kümmt. Bi Plattpartu hebbt wi't mit twee niege lose Reegn begrött: Bi de Natuur hett en Reeg över Farvfotografie un Infrarotfotografie vun Ludgerd Lüske anfungen; se warrt so üm un bi 5 Delen hebben. Un op dat Erinnern-Flack geiht nu de Spökenkiekersch üm. Dat is avers nix Leges nich, sünnern dat is noch en Aliasnaam vun Gertrud Everding, de al lange Johrn de Sünnschienkieker weer un denn Paus maakt hett. As Spökenkiekersch nimmt se nu Sagen ut ehr Heimatgegend op't Koorn, vertellt un verklaart ehr. Anfungen hett dat mit Keunig Abel; anner warrt folgen.

Op www.numanto.de hett dat to'n Hornung wedder dree niege Gedichten geven; dorbi is mit Willi Höfig wedder en niege Dichtersmann, över den wi us freut.

Nu de Plattpartu-Översicht för den verleden Maand. Op de Links nerrn bruukt Se as jümmers man bloots klicken, dat Se henkaamt.

In'n Sneemaand geev dat düsse niegen Bidrääg op Plattpartu.de:

Computerie:

De Wordkurs hett en nieges Trickkapittel kregen. Bavento geev dat en lütte Verklaarn to Bits un Bytes, de endlich mal de Grundlagen vun de Computerie verklaart.

Plattdüütsch Künst:

Farvmusik. Bild-Riemels vun L.Lüske (28.1.)

Notizen ut'n Braakmaand. Fotos un Verse (7.1.)

De Welt un Gott:

Sagen: Keunig Abel (21.1)

De grote Circus. Nadenken vun Rudi Witzke (7.1.)

Natuur un Wetenschap:

Dat Kruut för'n Hornung: Ackerschachtelhalm. Vun Anke Nissen (28.1.)

Farvfotograofie, ein Spill mit Lecht un Farve. Vun Ludgerd Lüske (21.1)

Appels. Vun Antje Heßler (14.1.)

Dat Kruut för'n Sneemaand: Estragon. Vun Anke Nissen (3.1.)

...un in't Natuur-Notizbook: