Plattdüütsche Raat för Sleswig-Holsteen
Ingwer Oldsen is för
Nordfreesland dorbi
De
Plattdüütsche Raat för Sleswig-Holsteen besteiht ut 5 Liddmaten. De eenzige ut
Nordfreesland is Ingwer Oldsen. He schall uns mal verkloren, wat dat mit de
Plattdüütsche Raat op sik hett.
Ingwer,
wat is de Plattdüütsche Raat?
De givt
dat siet dat Johr 2000 un ward vun de Lüüd ut Sleswig-Holsteen wählt. De letzte
Wahl wär 2006. Över de Medien warrn de plattdüütschen Minschen opropen ehr Stimm
avtogeven. De Opgaven vun dit Gremium is en gemeensame Interessensvertretung vun
alle Saken, de mit Plattdüütsch to dohn hebben. Wi snacken mit de Landerregeern
op glieke Oogenhöchte.
Wat sünd
denn so de Themen üm de Jem sik quälen?
En grote
Thema is de Lehrerutbildung un wat för en Steed dat Plattdüütsche an de Scholen
hett. Denn warrn immerto Gespräche mit de Universitäten föhrt wie dat
Plattdüütsche dor behannelt ward. De Andeel vun Platt in unse Medien un de Hölp
vun de Landes- un Bundesregeern sünd dorto wichtige Themen. Wi fief Vertreter
snacken mit en starke Stimm, denn dat givt ja noch vele plattdüütsche Lüüd in
unse Land. Dor mutt de Politik all henhören!
Sünd
denn alle Plattdüütschen dormit inverstahn, dat Jem för se
snacken?
De
Plattdüütsche Raat will keeneen wat wegnähmen, avers de groten Themen, de blot
op Landes- or Bundesebene regelt warrn bruken so en Gremium. Wi stimmen uns ja
vörweg mit annere Vereene av wo de Weg hengohen schall.
Und at
givt ok en Plattdüütsche Raat in Düütschland?
Ja, dat
is so! In 8 düütsche Bundeslänner ward noch plattdüütsch snackt. Schätzungswies
sünd dat 8 Mio. Lüüd. Dorför givt dat en Gremium op Bundes-ebene. Düütschland
hett ja de Europäische Sprakencharta för Regional- un Minnerheitenspraken
ünnerschreven. Dor mutt also oppasst warrn, dat ok allns inholen ward, wat
toseggt wurr.
Welke
Themen sünd för Di, Ingwer, wichti?
Eenmal
is dat de Bereich vun unse Institutschonen. Dat dat Plattdüütsche Institut in
Bremen un unse Plattdüütschen Zentren in Sleswig-Holsteen finanziell un
personell so utstafeert warrn, dat se ordentlich arbeiten köönt. Denn sünd
Themen wi Plattdüütsch in unse Kinnergoorns un Scholen as ok en Proffessur för
Plattdüütsch an de Universität in Flensborg för mi
wichtig.
Ingwer
Oldsen is in Langenhorn plattdüütsch opwussen. Hett in Kiel studeert un is nu
Schoolmeister an de Realschool Nord in Husum. He is Liddmaat in de
Sleswig-Holsteensche Plattdüütsche Raat un ok in de Bieraat för Plattdüütsch vun
de Sleswig-Holsteensche Landdag. Dorto kamen noch en ganze Reech wiedere Opgaven
hier in unse Kreis NF.
(Pressemitteilung des Plattdüütschzentrums Landesdeel Schleswig - www.plattdeutsches-zentrum.de)
Zentrum für
Niederdeutsch
Plattdüütschzentrum
Landesdeel
Schleswig
Flensburger Str. 18, 25917 Leck
Tel. 04662-77272, Fax -77273
___
PLATTNET.de
Nachrichten
Volker Holm,
Buchenweg 35, D-22926 Ahrensburg, Tel. 49-4102-4739108 - http://nachrichten.plattnet.de
PLATTNET.de Nachrichten-Archiv: alle Nachrichten unter
http://archiv.plattnet.de/
PLATTNET.de ist ein Dienst des Zentrums für Niederdeutsch in
Holstein (www.zfn-ratzeburg.de)
Eine Weitergabe der
Adressaten-Daten, vornehmlich für gewerbliche Zwecke, ist
ausgeschlossen.
Wer in
Zukunft keine e-Mail-Informationen von PLATTNET haben möchte, den
bitten wir, uns das in einer kurzen Nachricht mitzuteilen: nieges@plattnet.de