_____________________________________________________________________________________________________________________
Wat Se en Heid or Frommer sünd,
is nix, wat veel bedüüt.
Hauptsaak: Se sünd en
Sommerfründ!
De gifft nu sin Debut.
Düssen Schüddelriemel heff ik jüst för Se maakt, leve
plattdüütsche Frünnen! Dat plattdüütsche Schüddelriemeln geiht mi al recht flott
vun'e Hand, un schoonst düsse Riemel noch beten holpert, warr ik em doch bi www.numanto.de ünner de Schüddelriemels
insorteern :-)
Ja, so is dat: Sommer kümmt, Wonnemaand Mai is vörbi,
un wi hier maakt noch en lütten Rüchblick op den Maimaand bi Plattpartu. In'n
Maimaand geiht ja de Hormoonpegel mennigmaal recht hooch, nich bloots bi
unsereen, sünnern ok bi solk snaaksche Kreatuurn as de Maiworms, de nüms anners
as Antje Heßler harr opdrieven kunnt, un bi de Karpen, de den
Sünnschienkieker (endlich mal wedder!) reinweg üm de Ohren jumpt sünd. De Wildswien sünd al
wieder, staats Hoochtied is dor al Kinnerstuuv anseggt. To Sülverhochtied
un Kinddööp sünd nu ok
Riemels op dat Flack Platt to Hand to finnen
-- schoonst de Wildswien de wohl nich bruken warrt ;-)
Dat Pingstfest, dat den Maimaand överstrahlt, kehrt op
dat Flack De Welt un Gott mit schöne Haikus in -- un
mit wat kritischere Versen bi
den Blick op Hillgendamm, 'neem de hillge Geist veel to doon hett. Op dat Flack
Plattdüütsch Künst stellt
Rudi Witzke en Bild vun C.D.Friedrich vör: Fru vör ünnergahn
Sünn. Anke Nissen stellt Geisterbööm
vör, Maat Jan smitt en Oog op
Hillgendamm un anner Gipfel, un allerwegens finnt sik en Veelfalt an
ünnerscheedlich Bidrääg. Da helpt bloots: smökern!
Nu de Plattpartu-Översicht för den verleden Maand. Op
de Links nerrn bruukt Se as jümmers man bloots klicken, dat Se
henkaamt.
In'n Maimaand geev dat düsse niegen Bidrääg op
Plattpartu.de:
Computerie:
De Wordkurs is nu mit en
Lehrkapittel in dat Thema Tabelln instegen. Tricks un Öven folgt.
Plattdüütsch Künst:
De ole Vogtei in
Tramünn, porträteert vun Antje Heßler (28.5.)
C.D.Friedrich: Fru vör
ünnergahn Sünn. En Bildbespreken vun Rudi Witzke
(20.5.)
Notizen ut'n
Saatmaand. Fotos un Verse (6.5.)
De Welt
un Gott:
Pingstlich G8. En
aktuelle Betrachten vun Rudi Witzke (28.5.)
Laat uns tosamengahn!
Haikus to't Pingstfest vun Rudi Witzke (27.5.)
Erinnern: Vun Boomgeister un
Geisterbööm. Anke Nissen ünnersöcht olen Vulksgloven
(13.5.)
De eerste Schief
Swattbroot. Silke Frakstein kiekt trüch op en Fastenkur
(6.5.)
Natuur un Wetenschap:
Nawuss bi de
Wildswien -- Antje Heßler hett ehr besöcht
(27.5.)
De Karpenhochtied,
bekeken vun'n Sünnschienkieker (20.5.)
De Maiwormhochtied, bi de
Antje Heßler to Gast weer (6.5.)
...un in't Natuurnotizbook:
De Muerseglers
vun Barmstedt. Vun Heinz Starken (20.5.)
De groot
Brachvagel mellt sik trüch. Vun Heinz Starken
(13.5.)
Vun't Verarven
na Mendel. Vun Anke Nissen (6.5.)
Wat in de Welt vörgeiht:
Maat Jan:
Gipfel-Stormer. Satire (27.5.)
Beep! Dat elektroonsche Piepen
nervt Marlou Lessing (20.5.)
Uppasser fehlt vundaag,
meent Karl-H. Nissen (13.5.)
...un 5 niege Kortkommentaarn in't
Plattdüütsche Notizbook.
Hartlich grööt
Marlou Lessing und dat lütte
Plattpartu-Team
PLATTNET.de
Nachrichten
Volker Holm, Buchenweg 35, D-22926 Ahrensburg, Tel.
49-4102-4739108 - http://nachrichten.plattnet.de
PLATTNET.de
Nachrichten-Archiv: alle
Nachrichten unter http://archiv.plattnet.de/
PLATTNET.de ist ein Dienst des
Zentrums für Niederdeutsch in Holstein (www.zfn-ratzeburg.de)
Eine Weitergabe der Adressaten-Daten,
vornehmlich für gewerbliche Zwecke, ist ausgeschlossen.
Wer in
Zukunft keine e-Mail-Informationen von PLATTNET haben möchte, den
bitten wir, uns das in einer kurzen Nachricht mitzuteilen: nieges@plattnet.de