(7091) Plattpartu aktuell im Juli 2007

Plattpartu in'n Heumaand

Moinmoin, leve plattdüütsche Frünnen!

Noch jümmer flietig, noch keen Sommerpaus bi Plattpartu. Man de Sommer sülven maakt ja ok beten Paus, da fallt dat nich so op.

De Sommermaanden doot besünners de Computerie goot, schullst menen; de diegt opstunns as de Bööm in'n Regen. Liekso diegt op dat Künst-Flack dat Bawhuus, uns Sommer-Reeg mit Digital-Naschöpfungen vun Bawhuus-Kunstwarken. Se hett al dree Delen. Intressant is op düt Flack ok Karl-Heinz Nissens Bericht över den "Düdeschen Schlömer", en nedderdüütsches "Jedermann"-Stück, dat nu in Lübeck groot opföhrt woor.

Op dat Flack De Welt un Gott sünd twee niege Stimmen to höörn: Ursula Vollstedt höögt sik över den veelsiedigen Hoot an'n Hoken, un Jürgen Schimmer hett en anrögen Kindheitserinnern ut de 50er Johr in Riemel faat. Wedder ganz anners is Claus Günthers Dialoog Maria, de Demenz to'n eernsten Thema hett.

In de Natuur geiht uns lose Reeg över Steens mit den Axinit wieder, un Rudi Witzke vertellt warmhartig vun klamm-kole Deerten - mit lütte Haikus. Un Antje Heßlers lütt Meeschenhahn Pink-Pink (nee, dat is keen schwule Meeschenhahn! He heet bloots so.) Un dat Kruut.

Op www.numanto.de is de Schüddelriemelee ja woll jüst so'n Süük woorn as dormalen dat Limerickfever. Man infizeert sünd betherto bloots Karin Albrecht un ik. Dat is sachs nich so hoochansteken. Avers produktiv! - Fief richtige Gedichten sünd ok rutkamen, dree vun niege Maten: Hannelore Hinz un Ursula Vollstedt; de annern vun Gerhard Butke.

Nu de Plattpartu-Översicht för den verleden Maand. Op de Links nerrn bruukt Se as jümmers man bloots klicken, dat Se henkaamt.

In'n Heumaand geev dat düsse niegen Bidrääg op Plattpartu.de:

Computerie:

De Wordkurs hett fief niege Delen kregen:

dat grote Kapittel mit Tricks to Tabelln,
de Öven to Tabelln, 'neem ok verklaart warrt, woans een sik Visitenkoorten un Handzedels maken kann;
de Lehrkapittel to Formatvörlagen un Dokmentvörlagen
un en utföhrliches Trickkapittel to Vörlagen.

Altohoop 39 Sieden. Wenn dat nix is!

Plattdüütsch Künst:

Dat Bawhuus: Oskar Schlemmer. Vun Ludgerd Lüske (29.7.)

Dat Bawhuus: Walter Gropius. Vun Ludgerd Lüske (15.7.)

De Düdesche Schlömer. Theaterkritik vun K.-H. Nissen (15.7.)

Notizen ut'n Christmaand. Fotos un Verse (8.7.)

Dat Bawhuus: De Geschicht. Vun Ludgerd Lüske (1.7.)

De Welt un Gott:

Erinnern: De Fischmann. Vun Jürgen Schimmer (22.7.)

Maria. Vertellsel vun Claus Günther (15.7.)

De Hoot an'n Hoken. Nadenksel vun Ursula Vollstedt (1.7.)

Natuur un Wetenschap:

Vun de lütte Ierdkrööt vertellt Rudi Witzke (29.7.)

Dat Kruut för'n Aarnmaand: Taubnessel. Vun Anke Nissen (29.7.)

Meeschen to Besöök hett Antje Heßler (22.7.)

Steens: Axinit. Vun Anke Nissen (8.7.)

...un in't Natuurnotizbook:

Sandwöps op de Finsterbank ...bi Antje Heßler (29.7.)

Flinke Vagels ...argert Heinz Starken (22.7.)

Wat in de Welt vörgeiht:

5 niege Kortkommentaarn in't Plattdüütsche Notizbook.

Platt to Hand:

5 niege Riemels to Bortsdag, Hoochtied un Johrstieden