Moinmoin, leve
plattdüütsche Frünnen!
Wenn
överhaupt, denn hett us de Sommerpaus in'n Aarnmaand so'n beten tofaat kregen.
Da hebbt wi op een orr twee Flacken lütt beten en ruhige Kugel schaven, man dat
günnt Se us wiss vun Harten. Wi Se ok! -- Flietig as jümmers weer dat
Koppel Maten vun't Natuur-Flack. Rudi Witzke vertellt vun en roren Bottervagel, Antje Heßler vun en smucke Wanz, as Kruut lücht de Alant, un dat Natur-Notizbook is wedder
prallvull.
Op de annern
Flacken sünd uns' Reegn wiedergahn: de Sagen-Reeg mit den Meeneed, de Bawhuus-Reeg mit Kessinger un Malewitsch, to Lübeck sünd de Brücken tokamen. Ok niege Riemels bi Platt to Hand gifft dat.
Op uns'
Süster-Sieden hett sik avers wat daan: Bi www.numanto.de gifft dat en
niegen Maten, Walter F. Herz, mit twee Gedichten, un Karin Albrecht hett niege
Schüddelriemels schreven un en Limerick, de doch wohraftig ok mit en
Schüddelriemel anfangt. Un op www.vertelln.de is dat
spannen Vertellsel "Ulenspeigel un Störtebeker" vun Jürgen Brake rutkamen, in't
Platt vun't märkische Suerlann. Jürgen Brake schrifft dorto: "Störtebeker was en
nederdüütschet Idol van min Kindheit. Min twäidet nederdüütschet Idol was - nu
jao - Ulenspeigel. Un ek hev maol naodacht, wat wäre wuoll wiäst, wann däi twäi
(Störtebeker un Ulenspeigel) siëck druoppen härren. Un dao hev ek drüöwwer
schriëwen. Dat moch ek äindäilen, dat dat nit tau lang es. Un wieldat däi Lüü
sou gääne wat vam Kuocken un vam Iäten hört, hev ek et in Maohltieden updäilt.
Nu man kenne Bange - et sitt blous drei Maohltieden un äin Naohschlach, alsou 4
Däile." Goden Apptiet -- dat lohnt!
Nu de
Plattpartu-Översicht för den verleden Maand. Op de Links nerrn bruukt Se as
jümmers man bloots klicken, dat Se henkaamt.
In'n Aarnmaand
geev dat düsse niegen Bidrääg op Plattpartu.de:
Computerie:
Leider sünd wi
düssen Maand nich wiederkamen. Neegst Maal wedder!
Plattdüütsch
Künst:
Lübeck: Vun olle un nie Brücken. Vun
K.-H. Nissen (26.8.)
Dat Bawhuus: Kasimir Malewitsch. Vun
Ludgerd Lüske (26.8.)
Dat Bawhuus: Frieda
Kessinger.
Vun Ludgerd Lüske (12.8.)
Notizen ut'n
Sneemaand.
Fotos un Verse (5.8.)
De Welt un
Gott:
Sagen: De Meeneed. Vertellt vun Gertrud
Everding (19.8.)
Rut ut de Stuuv, rin in't
Paradies!
Vun Ursula
Vollstedt (12.8.)
Natuur un
Wetenschap:
Dat Kruut för'n Harvstmaand: Alant. Vun Anke
Nissen (29.8.)
Vun Hoochtiet mit veel Parföng: De Sleenspinner.
Vun Rudi Witzke (12.8.)
Füerwanzen, beobacht vun Antje
Heßler (5.8.)
...un in't Natuurnotizbook:
Torüchdenken an de Kinnertied. Vun Karin
Albrecht (26.8.)
Gewidder liggt in de Luft: Woterlöper. Vun
Gertrud Everding (25.8.)
Keen Sinn för Familienleven. Vun Heinz
Starken (19.8.)
Goldkäver. Vun Antje Heßler
(12.8.)
De Hasselpogg. Vun Antje
Heßler (5.8.)
Wat in de Welt
vörgeiht:
Dei Geschicht von Müller-Melk, navertellt vun H.
Jürgen Grebin (19.8.)
De
Teuro. Vun Silke Frakstein (5.8.)
Platt
to Hand:
5
niege Riemels to Bortsdag un Hoochtied
Hartlich
grööt
Marlou Lessing
und dat lütte Plattpartu-Team