Landesgoornschau
2008 op Platt
„Sünnschien, Spooß un schöne Goorns!“ so
heet de Wiespahl (Flyer) för de Landesgoornschau 2008 in Schleswig op Platt.
Dorstellt warrn besunners schöne sehenswerte Steden in de Landesdeel Schleswig
vun dat Danewerk över de Ossenweg bit hen na dat Noldemuseum in Seebüll.
Liegelangs de Schlie geiht dat op historische Wege rund in de Region Landesdeel
Schleswig. „Wi hebben 12.000 vun disse Wiespahls drucken laten, denn wenn Lüüd
ut de hele Welt to uns kamen, üm sik de Landesgoornschau antokieken, denn mut ok
unse Heimatspraak präsent sien!“ is de klore Ansicht vun Plattdüütschbaas Günter
Fleskes in Leck. Möglich wurr disse Aktschoon dörch finanzielle Hölp ut Kiel vun
de Staatskanzlei un de Fördervereen Plattdüütsch-Zentrum Leck.
„Ohne unse Fördervereen weern disse un annere besunnere Vörhaben gor nich möglich. Mit dat Geld köönt wi unse Eegenandeel finanzeren un denn mit Toschüsse vun woanners noch opstocken!“ wiest sik Günter Fleskes dankbar. Na sien Meen ward disse plattdüütsche Wiespahl ok besunners för unse hiesigen Lüüd en Renner.
_____________________________________________________________________________________________________________________________________________________
Volker Holm, Buchenweg 35, D-22926 Ahrensburg, Tel. 49-4102-4739108 - http://nachrichten.plattnet.de
PLATTNET.de Nachrichten-Archiv: alle
Nachrichten unter http://archiv.plattnet.de/
PLATTNET.de ist ein Dienst des Zentrums für Niederdeutsch in Holstein (www.zfn-ratzeburg.de)
Wer in Zukunft keine
e-Mail-Informationen von PLATTNET haben möchte, den bitten wir, uns
das in einer kurzen Nachricht mitzuteilen: nieges@plattnet.de