60 Johr DE SPIEKER
An’n
Saterdag (Sünnobend), den 10. November 2007 fiert DE SPIEKER in Ollnborg 60.
Geburtsdag.
In ´n
Dezembermaand 1947 is DE SPIEKER in Ollnborg up de Been stellt wurrn. De eerste
SPIEKER-Baas weer de Schrieversmann un Mester Heinrich Diers. Dat SPIEKER-Emblem
(van Prof. Bernhard Winter) is en Heimat-Teken in duppelten
Sinn:
1. En
olen Spieker, wor een de Arnt un allens dat, wat wichtig is för dat Överläben –
ok Spraak un Kultur – upbewohren kann.
2. De
holten Nagels: Prof. Winter hett twee dorvan mit een Käe, wor dat Wark mit
tosommenhollen warrt.
De
SPIEKER is nu al siet vele Johrn dat Dack för all Heimat- un Ortsbörgervereene
in dat Ollnborger Land un Stadt. Över hunnert Vereene mit 26.000 Maten sünd
dorbi. All tohoop wüllt se de nedderdütsche Spraak hochhollen un
norddütsche Regional-Kultur in en grötter Europa plägen. De Vereene behollt
dorbi ehr egen Upboo, Vörstand un Läben.
Man se
findt in de SPIEKER en goden Afkaat in de Presse un in all de wichtigen
Institutionen för dat Plattdütsche in Norddütschland un ok in de
EU.
DE SPIEKER
hett teihn Krings, de elk un een
van sien egen
„Kringbaas“ anföhrt warrt. In de
Krings hebbt
sick düchtige Maten ut de
enkelde
Vereene tohoop daan, ümdat
se
de
freewillig
Arbeit up dat Rebett van de verscheden Krings vörandrieven
willt:
Schrieverkring,
Mesterkring, Karkenkring, Späälkring, Singkring, Danzkring, Kinnergaarnkring,
Kring „Snacken un Verstahn“, Chronikkring,
Spieker-Bökerschapp
Dat
Bedüden van DE SPIEKER för de Region Ollnborg is in de verleden sesstig Johrn
jümmer grötter wurrn. DE SPIEKER brängt vele plattdütsche Saken in us Kuntrei up
den Punkt. DE SPIEKER hollt ´n goden Draht to de Universität Ollnborg
(SPIEKER-Symposien), to de Ollnborgische Landskup, to de Oostfreeske Landskup,
to de Landesbibliothek Ollnborg (SPIEKER-Bökerschapp), to de
NordwestZeitung (Monatssiet „Snacken un Verstahn“), to dat Institut för
nedderdütsch Spraak INS in Bremen, to de Neddersassisch Heimatbund NHB in
Hannover un to dat Europäische Büro för Minderheitenspraaken (EBLUL) in
Brüssel.
„Snacken
köönt wi all – Doon is ´n Ding!“
Anlaag:
De SPIEKER-Fleger - up Platt (pdf)
_____________________________________________________________________________________________________________________________________________________
Plattdeutsche Buchmesse: 10./11.
November 2007 in Hamburg - Carl-Toepfer-Stiftung (www.carltoepferstiftung.de)
_____________________________________________________________________________________________________________________________________________________
Volker Holm, Buchenweg 35, D-22926 Ahrensburg, Tel. 49-4102-4739108 - http://nachrichten.plattnet.de
PLATTNET.de Nachrichten-Archiv: alle
Nachrichten unter http://archiv.plattnet.de/