Moinmoin, leve plattdüütsche Frünnen!

En vulle runde Maand weer de Saatmaand, op uns Websiet un, is to höpen, ok för Se. Besünners rieke Aarn hebbt wi op dat Künst-Flack hollen, 'neem stückerwat veer Porträts vun bedüden Künstler un Künstlerschen rutkamen sünd: Paula Becker, Lyonel Feininger, Joost Schmidt, Otto Flath. Paula Becker is bald 100 Johr dood, Otto Flath 20 Johr; man de runden Johrsdaag bruukt dat nich, düsse Künstler nehger to kamen; dat kann een alltied maken. De grote Reeg vun Bawhuus-Künstler warrt nu in'n Harvst langsam sinniger un geiht sachs in'n Winterslaap.  

Un denn sünd wi ja wedder mal fixer as dat Kiekschapp. Op Plattpartu kannst vundaag al lesen, wat de NDR eerst neegst Johr senden warrt: Jennifer Mathilde Borchers ut New York hett us nau opschreven, wa dat west is, as se vun'n NDR op Platt filmt woor. En utföhrliches "Making-of" is so tostannkamen -- keen Wunner, de Kuntakt mit'n NDR keem ja ok över Plattpartu tostann.

Uns Natuur-Maten sünd mal wedder hoochaktiv, as meist jümmers. Mit Hans Jürgen Hebold bi de Natuurnotizen un Friedrich (Fidi) Ehlbeck bi de Riemels för besünnere Gelegenheiten hebbt wi twee niege Maten an Bord. Bloots www.numanto.de swiegt hüüt mal still.

Nu de Plattpartu-Översicht för den verleden Maand. Op de Links nerrn bruukt Se as jümmers man bloots klicken, dat Se henkaamt.

In'n Saatmaand geev dat düsse niegen Bidrääg op Plattpartu.de:

Computerie:

De Excelkurs hett en nieges Kapittel kregen, dat wichtige Datumsreken. En Öven-Kapittel dorto folgt!

Plattdüütsch Künst:

Otto Flath. En Porträt vun Rudi Witzke    (21.10.)

Dat Bawhuus: Joost Schmidt. Vun Ludgerd Lüske    (21.10.)

In Memoriam Paula Becker. Rudi Witzke porträteert de Künstlersch    (14.10.)

Harvstbild. Översetten na Hebbel vun Gertrud Everding    (7.10.)

Dat Bawhuus: Lyonel Feininger. Vun Ludgerd Lüske    (7.10.)

Notizen ut'n Märzmaand. Fotos un Verse    (7.10.)

De Welt un Gott:

Hephata! Andacht ut Grönau vun Joachim Siemers    (28.10.)

Oorndank. Andacht ut Grönau vun Henning Tappe    (7.10.)

Natuur un Wetenschap:

Dat Kruut för'n Nevelmaand: Muskaat. Vun Anke Nissen    (30.10.)

Silberpappeln up Fehmarn hett Anke Nissen besöcht    (21.10.)

Snacken över Snaken deit Antje Heßler    (14.10.)

Nonnengöösdaag. Vun Antje Heßler    (3.10.)

...un in't Natuurnotizbook:

Hölp mi doch! Vun Antje Heßler    (30.10.)

Kantüffelnsammeln fröher. Vun Hans Jürgen Hebold    (28.10.)

Bumms an'n Sünndagmorgen. Vun Antje Heßler    (21.10.)

Goornarbeit mit Heupeerd. Vun Antje Heßler    (14.10.)

Wat in de Welt vörgeiht:

Een Deern von Köhlen un de NDR-Filmcrew in New York. Vun Jennifer Mathilde Borchers    (28.10.)

Giez is geil? Vun Ursula Vollstedt    (14.10.)

...un 5 niege Kortkommentaarn in't Plattdüütsche Notizbook.

Platt to Hand:

2 niege Harvstriemels vun Brigitte Fokuhl un vun Silke Frakstein un 1 Riemel för Junggeselln to'n 30. Bortsdag vun Friedrich Ehlbeck.

Hartlich grööt

Marlou Lessing und dat lütte Plattpartu-Team