Fallt de eerste Snee,

rullt ok de Zittlöösch

ehr Bläder in --

(frie na Basho)

Leve Plattfrünnen,

mit düssen winterlichen Haiku grööt ik Se ganz hartlich to'n Christmaand! De eerste Snee steiht noch ut, man wi wüllt den Dezember man ruhig allens totruun, nu he noch jung is!

De Nevelmaand mit sin Fierdaag, as en Verhalen vör den Wiehnachtstrubel, is vörbi. Bi Plattpartu weern de Maten vun dat Flack De Welt un Gott in düssen Maand besünners aktiv un hebbt Gedichten, Vertellsel, Andachten un en groten Bidrag över den Maler Jawlensky tosamendragen. To Volkstruurdag finnt Se en Opschrieg vun Rudi Witzke un en bewegen Vertellsel vun Jürgen Brake. Ok to Ewigkeitssünndag is en Versmeditaschoon vun Rudi Witzke un en Vertellsel ut egen Beleven vun Anke Nissen rutkamen. -- Mit de Knööv un Roh, de us dat Nadenken över den Dood geven hett, köönt wi nu op allens Niege un Frische tostüürn, wat uns dat Wiehnachtsfest un dat niege Johr bringen wüllt.

Nieg is ok uns Mitmaker Dieter Guderian, de mit Denk mal! en politischen Twüschenroop to den "Dag vun de Düütschen", den 9.11., inleggt. -- Un op dat Natuur-Flack lett sik Antje Heßler gor nix vörmaken vun dat Schietweder, se vertellt munter vun de Fleegdeerten, de ehr in'n Sommer toflagen sünd -- dütmaal vun de Graavwöps.

Op www.numanto.de sünd veer niege Gedichten rutkamen, dorto vun Karin Albrecht 5 niege Limericks un Schüddelriemels. Wiehnachtlich geiht dat da noch nich to; de Schüddelriemel "Bi Storm seih ick mien' Stangenbohn'n / in'n Goorn stets mit Bangen stohn" is eendüdig noch ganz harvstlich :-) Wiehnachten brickt avers dochen langsam över us rin. Op Plattpartu hebbt wi in de eersten Dezemberdaag op dat Flack Platt to Hand en egen Wiehnachtsrubrik inricht, 'neem wiehnachtliche Riemels fertig to'n Bruken, Reziteern orr Singen praat staht.

Nu de Plattpartu-Översicht för den verleden Maand. Op de Links nerrn bruukt Se as jümmers man bloots klicken, dat Se henkaamt.

In'n Nevelmaand geev dat düsse niegen Bidrääg op Plattpartu.de:

Computerie:

Oh, oh! Nich fertig woorn! Dat haalt wi avers na.

Plattdüütsch Künst:

Dat Bawhus: Georg Muche. Vun Ludgerd Lüske    (11.11.)

Notizen ut'n Oostermaand. Fotos un Verse    (4.11.)

De Welt un Gott:

Laat mi man slapen. Vertellsel vun Anke Nissen    (28.11.)

Diamanten Hochtied. Erinnern vun K.-H. Nissen    (28.11.)

De Katechetin. Betrachten vun K.H. Sadewasser    (25.11.)

To Stillsünndag 2007. Vun Rudi Witzke    (25.11.)

Dat Gesicht. Vertellsel vun Jürgen Brake    (18.11.)

To Volkstruurdag 2007. Vun Rudi Witzke    (18.11.)

Wokeen dat Düüster kennt, is ahnhaftig dat Licht. Över den Maler Alexej vun Jawlensky. Vun Rudi Witzke    (11.11.)

Befiehl du deine Wege. Andacht vun K.H. Sadewasser    (4.11.)

Natuur un Wetenschap:

Dat Kruut för'n Christmaand: Herzgespann. Vun Anke Nissen    (28.11.)

Avendstimmung an't Water. Vun Antje Heßler    (11.11.)

Profis an't Buddeln: De Graavwöps. Vun Antje Heßler    (4.11.)

...un in't Natuurnotizbook:

Rehe. Vun K.-H. Nissen    (28.11.)

Wat in de Welt vörgeiht:

Denk mal! Vun Dieter Guderian    (25.11.)

...un 1 niege Kortkommentaar in't Plattdüütsche Notizbook.

Hartlich grööt

Marlou Lessing und dat lütte Plattpartu-Team