En Engel steiht vör de Döör

Rechttiedig vör Wiehnachten hebbt Marianne Ehlers un Elke Westphal-Altstadt en CD rutbröcht mit Texten un Leder, de to de Festdaag passen doot. Literarisch un musikalisch geiht dat üm Engel. De mehrsten Geschichten un Gedichten sünd vun Marianne Ehlers, en poor hett se överdragen. De Leder sünd plattdüütsch, hochdüütsch, aver ok en russisch un en franzöösch Leed sünd dorbi. Elke Westphal-Altstadt singt un speelt Gitarr un keltische Harp (Harfe). En heel besinnlich Programm, wat de beiden dütt Johr bi de „Wiewelsflether Weihnachtslesung“ vörstellt hebbt.

De CD is maakt vun de „Wewelsflether Weihnacht“ un de Fehrs-Gill.

En Engel steiht vör de Döör (CD)

Sprekerin: Marianne Ehlers

Gesang, Gitarr un Harp: Elke Westphal-Altstadt

(o. Label)

12 Euro

Bestellen bi:

Marianne Ehlers, E-Mail: ehlers[at]fehrsgilde.de, Tel.: 04822-1260

__________________________________________________________________________________________________________________________________________________________________________