En frohes un glückliches nieges Johr 2008 för Se un us all, leve plattdüütsche Frünnen! Dat wünscht wi vun Harten.

En ganz Johr hebbt wi wedder tosamen beleevt, ja: tosamen, Se as Lesers un Lesersche vun Plattpartu (un villicht ok as Mitmakers), wi as Beschickers vun de Siet, alltied verbunnen dör uns Moderspraak un den Wunsch, dat, wat us an't Hart liggt, in uns Moderspraak to seggen. Dat hebbt wi mit Freud daan in't verleden Johr un wüllt damit 2008 wiedermaken! Se ok? Denn seht wi us ja wieder op Plattpartu un annerwegens in't Internet!

In'n Christmaand hebbt wi noch mal en vulles Paket an Bidrääg op Plattaprtu hatt, dat liggt ja op de Hand. De Maten vun "De Welt un Gott" weern hoochaktiv, man nich bloots mit wiehnachtliche Erfreulichkeiten. In'n Christmaand full ok de gresige Kinnermoord vun Darry, un de Welt güng ganz allgemeen ehrn twievelhaftigen Gang wieder. Ut de feerne Tokumst kommenteert dat Nis un Mette Puk, un Rudi Witzke hett ehr tohöört. Man wiehnachtlich un "besinnlich" warrt dat ok. Besinnen heet ja hüüt mehrst: op de Brems pedden. Un dat is hüüt meist to alle Tieden nödig, to keen Tied avers mehr as in de wiehnachtliche Hektik. Renate Wüstenberg hett us ehr wunnerschönes Gedicht Stille Nacht toschickt, un Angela Ehlers feddert mit Bernhard vun Clairvaux de Besinnung nochmal nadrücklich in. Op dat Erinnern-Flack besnuppert Anke Nissen utföhrlich de oolvertruuten Wiehnachtsgewürze, Friedrich Ehlbeck vertellt us in Riemeln, woans dat fröher weer, un överhaupt -- allens in düsse Rubrik lohnt dat Schmökern!

To Besinnung kamen kannst avers ok op dat Künst-Flack, 'neem Rudi Witzke den groten Bildhauer Karlheinz Goedtke, den wi all vun sin Warken kennt, as Persoon vörstellt. Ok de Ort Travemünn, Krüppenbiller ut ünnerscheedlich Tieden un en nieges oles Bild vun Caspar David Friedrich warrt vörstellt -- Friedrich, den sin Biller jümmers nieg sünd, so ool se ok ween mucht.

Op't Natuur-Flack höörst to Wiehnachten den dördringen Roop vun Sünnerklaas sin Esel. De hett wedder ganze Arbeit daan düt Johr! ;-) Un dat Geheemnis vun de Vagelfööt un veel anners in't Notizbook kaamt ok nich to kort.

Op www.numanto.de hett dat en lütt Update mit twee niege Gedichte to Wiehnachten geven.

Nu de Plattpartu-Översicht för den verleden Maand. Op de Links nerrn bruukt Se as jümmers man bloots klicken, dat Se henkaamt.

In'n Christmaand geev dat düsse niegen Bidrääg op Plattpartu.de:

Computerie:

De Excelkurs hett endlich dat grote Öven-Kapittel to Logik- un Datumsfunkschoonen kregen, alltohoop 11 Sieden.

Plattdüütsch Künst:

C.D.Friedrich: "De Drömer" un de Romantik. Verklaart vun Rudi Witzke    (30.12.)

Krüppenbiller: Wiehnachten tüschken Oost un West. Vun Reinhard Hoeps     (23.12.)

Karlheinz Goedtke, Bildhauer. Vörstellt vun Rudi Witzke    (16.12.)

Lübeck: Travemünn. Vörstellt vun K.-H. Nissen    (2.12.)

Notizen ut'n Maimaand. Fotos un Verse    (2.12.)

De Welt un Gott:

Op'n Stutz is weller Wiehnacht. Besinnen na Bernhard vun Clairvaux vun Angela Ehlers    (26.12)

Stille Nacht. Gedicht vun Renate Wüstenberg    (24.12.)

Erinnern: Vullbuuksabend. Noorddüütsche Bruukwiesen in flotte Riemels faat vun Friedrich Ehlbeck    (23.12.)

Erinnern: Engel. Kindheitserinnern vun Antje Heßler    (23.12.)

Lichtsöker. Meditaschoon vun Rudi Witzke    (16.12.)

Albert Schweitzer. Andacht vun K.-H. Sadewasser    (16.12.)

Erinnern: Wunderkerzen. Anke Nissen över en besünner Wiehnachtsdesaster    (16.12.)

Naroop op fief lütte Buttschers. Gebeet na den Kinnermoord vun Darry     (9.12.)

Wat Nis un Mette Puk vertellen. En Wiehnachtsbericht ut de Tokumst, opfungen vun Rudi Witzke    (9.12.)

De Obsternootsche. En Schoolgeschicht vun Robert Mahler    (9.12.)

Erinnern: Wiehnachtsgewürze. Anke Nissen över vertruute Rüüch un dat Hamborger Gewürzmuseum    (9.12.)

Nikolaus. Histoorsch Kortporträt vun K.-H. Nissen    (6.12.)

Licht. Andacht in Grönau vun Joachim Siemers    (2.12.)

Natuur un Wetenschap:

I-aah! De Esel vun Sünnerklaas stellt sik un sin Aart vör. Antje Heßler hett em hulpen un alle Fotos maakt    (23.12.)

Woso freiset bi Väögels in' Winter nich de Feute af? fraagt Ludgerd Lüske mit en Artikel ut "Spektrumdirekt"    (16.12.)

...un in't Natuurnotizbook:

Appelzwilling. Vun Antje Heßler    (30.12.)

Besöök! Vun Antje Heßler    (16.12.)

Kreihen. Vun K.-H. Nissen    (9.12.)

Selten Wintergäst up'n See. Vun Heinz Starken    (3.12.)

Wat in de Welt vörgeiht:

Goden Rutsch! Wat dat heet, dröselt Gertrud Everding op    (31.12.)

Wiehnachts- un Neejohrsgedanken vun Heinz Rehn    (30.12.)

Bio un wat dorachter stekt verklaart Dieter Guderian    (20.12.)

...un 4 niege Kortkommentaarn in't Plattdüütsche Notizbook.

Platt to Hand:

Tosättlich to uns Wiehnachts-Rubrik mit klassische un niege Riemels is da noch en szenische Riemel vun Gertrud Everding tokamen.

Nocheens en glückliches Johr 2008 wünscht

Marlou Lessing und dat lütte Plattpartu-Team