Dag för Dag mit de Taxe föhren ­

Elviras Beleevnisse

(pn) Mit een Taxi föhrt elkeen mal - Fru un Mann, de arme Rieke un de rieke Arme, de kloke Dösige un de dösig Kloke. Se föhrt vun hier na dar, mal alleen, mal mit Kinner, Bögeliesen, Footboddenbelag un ok mit - Peerappels. Elvira, een Taxenföhrersche in Norddüütschland, kann dar allerhand vun vertellen. In 22 Geschichten hett Gesine Reichstein de Taxenföhrersche dör de Stadt föhren laten. Mit Verstand un Geföhl hett se de Minschen in'n Alldag up de Fingers un in den Kopp keken. In de Rull vun de Fru mit dat Taxi kann de Schrieversche in ehr kotte Episoden all dat präsenteern, wat ehr in’n Alldag opfullen un wichtig is, wat as Thema „op de Straat liggt“. För den Leser kümmt dor mennig wat bi rut, wat mehrstendeels besinnli un oftens ok vergnöögli is.

Gesine Reichstein arbeit as Redakteursche bi Radio Bremen. Upwussen is se in de Grafschupp Benthem un leevt siet vele Johren in Bremen. Se is mit Plattdüütsch groot worrn, hett düsse Spraak studeert un gifft sick darmit af in ehr Professchoon un blangenbi. Se hett ok Lexen schreven, wo een Plattdüütsch mit lehren kann.

Gesine Reichstein

Dag för Dag mit de Taxe föhren

Elviras Beleevnisse

illustriert von Peter Fischer

Edition Tammen, Bremen 2007

ISBN 978-3-86108-569-0

12,90 Euro

__________________________________________________________________________________________________________________________________________________________________________