Moin, moin, leve plattdüütsche Frünnen! Un Frünninnen! (Seggt een dat so op Platt? Politisch korrekt?) Un alle!

De Märzmaand weer ja wedder so'n XXL-Maand bi Plattpartu. Natüürlich -- gifft jümmers veel Nieges, wenn een vun de groten Festen ansteiht, as dütmaal Oostern. Uns Maten op dat Flack De Welt un Gott hebbt de Passioon un Oostern mit schöne, sülven maakte Bild-, Gedicht- un Meditaschoonsbidrääg dat Geleit geven. Man Österliches finnt Se ok op dat Natuur-Flack in Foorm vun Lilli Lamm un Oosterblööm, op dat Flack Platt to Hand mit 5 korte frische Ooster-Riemels ut de Fedder vun Hannelore Hinz (en niege Stimm -- willkamen!), un ok op dat Künst-Flack hett sik en kecke Haas hentruut (vörsichtshalver bloots as Översetten :-)).

Man Oostern is lang ni allens. De Fans vun uns Bawhuus-Reeg, de den letzten Sommer bet wied in den Harvst duert hett, warrt sik frein, dat de Reeg nu wiedergeiht. Dütmaal hett Ludgerd Lüske hööchstpersöönlich Dessau besöcht un fotografeert un stellt in düssen un de neegsten Bidrääg de Architektuur vun't Bawhuus vör. Ok de Quartaalsklenner hett en nieges Blatt kregen; to Oginaal-Biller vun Hildegard Tölke hett Ludgerd Lüske Riemels schreven. Op dat Erinnern-Flack sünd lesensweerte Bidrääg indrapen. Un dat Natuur-Notizbook is vull mit intressante Begeevnisse in düsse Johrstied.

Op www.numanto.de sünd to Oostern 6 niege Gedichten opmaal rutkamen; dat weer avers ok en lange Paus da. Leider is noch keen niege Schüddelriemel dabi, ofschoonst ik över Oostern lange Tied mit den Schüddelriemel vun "Oosterhaas" op "Hooster, Aas" swanger gahn bün. Is avers nix vun woorn. Dat klüng to groff för Oostern. Kann nüms anners da en fienen, anstännigen Riemel vun maken? Orr mutt ik doch Karin Albrecht, uns' Schüddel-Genie, anhaugn? :-)

Nu de Plattpartu-Översicht för den verleden Maand. Op de Links nerrn bruukt Se as jümmers man bloots klicken, dat Se henkaamt.

In'n Märzmaand geev dat düsse niegen Bidrääg op Plattpartu.de:

Computerie:

De Works-Kurs hett twee niege Kapittel kregen.

Plattdüütsch Künst:

Klennerblatt: Vun Lent na Sommer. Mit Biller vun Hildegard Tölke    (30.3.)

Een Haosenriemel tau Ostern, översett vun Ludgerd Lüske    (24.3.)

Up Beseuk bi't Bawhuus in Dessau. Vun Ludgerd Lüske    (24.3.)

De Welt un Gott:

Wäschepuff. En Erinnern vun Anke Nissen    (30.3.)

Oostern: Hasendanz. Vertellsel vun Rudi Witzke    (24.3.)

Oostern: Osterfreud. Vun Rudi Witzke    (23.3.)

Passioon: Karsünnavend. Vun Gertrud Everding    (22.3.)

Passioon: 's aobends up Golgatha. Vun Ludgerd Lüske    (21.3.)

Passioon: Gröndunnersdag. Vun Ludgerd Lüske    (19.3.)

De Nacht to Palmsünndag 1942. Vun Karl-Heinz Nissen    (16.3.)

Passioon: Palmsünndag. Vun Ludgerd Lüske    (16.3.)

De Schottsche Karr. Dieter Guderian klaart op    (9.3.)

Ünnerwegens. Vertellsel vun Ursula Vollstedt    (9.3.)

Passioon: Sünndag Judica. Vun Rudi Witzke    (9.3.)

Schinken! En Erinnern vun Günter Weber    (2.3.)

Passioon: Sünndag Laetare. Vun Rudi Witzke     (2.3.)

Natuur un Wetenschap:

Dat Kruut för'n Aprilmaand: Rainfarn. Vun Anke Nissen    (30.3.)

Togaav to Oostern: Seesteerns! Antje Heßler weer na den Oosterstorm an'n Oostseestrand    (26.3.)

Oosterbloom. Mennig Blomen heet so, sammelt hett ehr Anke Nissen    (23.3.)

Lilli Lamm un ehr Familie hebbt Besöök vun Antje Heßler    (16.3.)

...un in't Natuurnotizbook:

Scharpen Blick! Vun Ole Nissen    (30.3.)

Fröhjohrsanfang? Vun Antje Heßler    (23.3.)

Fröhjohrskleder an Lachmöven, knipst vun Antje Heßler    (12.3.)

As bi Hitschcock! Vun Heinz Starken    (9.3.)

Dat gifft kein Dachlünken mehr? Vun Günter Weber    (2.3.)

Wat in de Welt vörgeiht:

Olympia? Gedankens vun Rudi Witzke    (30.3.)

Maat Jan: Hessisch Roulette. Satire    (10.3.)

...un 5 niege Kortkommentaarn in't Plattdüütsche Notizbook.

Platt to Hand:

5 Ooster-Riemels vun Hannelore Hinz

Schöne Aprildaag wünscht