Moin, moin,
leve plattdüütsche Frünnen!
In'n Junimaand
sünd uns' Maten vun't Flack De Welt un Gott besünners
togang west. Fief niege Bidrääg sünd op't Erinnern-Flack
rutkamen, dorünner een vun Else Pannek
as en niege Mitmakersch; un op dat Hauptflack hett Rudi Witzke mit Johannes Bugenhagen un J.F. Wichern twee
Persönlichkeiten porträteert, de ehr geistliches un soziales Wirken wiet in uns
Tied rinrecken deit, ja eentlich ganz vun hüüt is. De brandaktuellen 96 Thesen vun Klaus
Douglass sünd en Echo op Bugenhagens Arbeit. Rudi Witzke hett ehr op Platt
bröcht.
De Football
harr us in'n verleden Maand so tofaat, dat ik gor nix för de Computerie doon
kunn. Dat deit mi leed, is avers so. Un nadem dat Europa nu wedder en wördigen
Footballmeester hett, köönt wi opneegst wedder Deenst na Vörschrift maken :-)
Man de Football hett us natüürlich ok op Plattpartu nich koolt laten. Dieter
Guderian maakt sik Gedanken över de Flaggen, ik
sülms denk ok so düt un dat, un wat Hanne
Hinz ut Schwerin is, de hett doch glatt en melancholisch-distanzeertes Fautball-Sonett
hentövert. -- Anners geiht Antje Heßler vör: Se hett lütte Zappenküken opdaan,
de good as Maskottchen för de düütsche Mannschap dögen kunnen, hebbt se doch de
Landsklöören in't Fedderkleed. Wenn ok dat Federkleed beten wat schedderig
utsüht un de ganze Vagel teemlich kurioos. Man Antje Heßler verjaagt solk Buteneerdsche nich.
Ünner Levensgefohr hett se de Azurlibell nastellt un
sik mit deevsche
Kreihn anleggt, ehr kann nix schrecken.
Wunnerschöne Hölderlin-Överdragen
mit Oginaalbiller vun Ludgerd Lüske finnt Se bi Plattdüütsch Künst, ok en
nieges Kalennerblatt
mit Oginaalbiller vun Hildegard Toelke. Karl-Heinz Nissen hett Kücknitz
porträteert. Daför mööt de Bawhuus-Fans sik bet Juli
verpuusten, denn kümmt wedder mehr Bawhuus-Architektur.
Op www.numanto.de gifft't niege Schüddelriemels
un twee niege Gedichten vun Thomas Seemann, en niege Stimm ut Oostfreesland.
Willkamen!
Nu de
Plattpartu-Översicht för den verleden Maand. Op de Links nerrn bruukt Se as
jümmers man bloots klicken, dat Se henkaamt.
In'n Braakmaand
geev dat düsse niegen Bidrääg op Plattpartu.de:
Computerie:
Dütmaal nix.
Betern is verspraken!
Plattdüütsch
Künst:
Kalennerblatt:
Sommer! Biller vun Hildegard Toelke, Riemels vun Ludgerd
Lüske (29.6.)
Dat van mi wegfleigen
Bild. Hölderlin-Gedichten, överdragen vun Ludgerd Lüske
(22.6.)
Lübeck:
Kücknitz. Vun K.-H. Nissen (15.6.)
Notizen ut'n Nevelmaand.
Fotos
un Texte (8.6.)
De Welt un
Gott:
Bi Nacht op'n
Kösterskamp. Vun Günter Schiller (29.6.)
96 niege Thesen vun
Klaus Douglass, översett vun Rudi Witzke
(22.6.)
Johannes Bugenhagen, ok
Dr. Pomeranus nöömt. Porträt vun Rudi Witzke
(22.6.)
Mien
Grootvadder sien Eikenwörtel. Vun Günter Weber
(22.6.)
Mehr
Judengeschichten ut Meckelnborg. Vun Dieter Guderian
(15.6.)
Opas Land. Vun Else
Pannek (8.6.)
Huflattich -- so
ännert sik de Tieden. Vun Günter Weber (1.6.)
Johann Friedrich Wichern.
Porträt vun Rudi Witzke (1.6.)
Natuur un
Wetenschap:
Buteneerdsche sünd
landt! Vagelküken, knipst vun Antje Heßler
(29.6.)
Dat Kruut för'n Heumaand:
Suuramper. Vun Anke Nissen (29.6.)
De Goorn-Hibiskus. Vun
Antje Heßler (15.6.)
De Muulwarp. Vun K.-H.
Nissen (8.6.)
Hochtied in'n Mai: De
Azurjungfer. Vun
Antje Heßler (1.6.)
...un
in't Natuurnotizbook:
Eenmal in't Leven!
Vun Anke Nissen (29.6.)
Sülvstbedenen!
Vun Antje Heßler (15.6)
Wat in de Welt
vörgeiht:
Fautball-Sonett. Vun
Hannelore Hinz (28.6.)
Maat Jan: De Wohrheit över
Nicolas S. Satire (15.6.)
Twee niege
Kortkommentaarn in Dieter Guderians nieges
Kommentaarbook.
...un 3 niege
Kortkommentaarn in't Plattdüütsche
Notizbook vun
Marlou.
Hartlich
grööt
Marlou Lessing
und dat lütte Plattpartu-Team