Plattdüütsche Hörspeelwarksteed

De Autorin Ursel Meyer ut Weyhe konn den Dramaturg Dr. Jochen Schütt ut Bremen (ehed. Radio Bremen)

un den Vörsitter von de Bevensen-Tagung Carl Heinz Dirks ut Verden op ehr Siet holen.

Se wüllt tosomen in Neddersassen eene plattdüütsche Hörspeelwarksteed inrichten.

In Schleswig-Holstein lööp al meist jüst so 'n Seminar un kööm bi de Schrievers goot an.

Wo schrifft 'n nu so een plattdüütschet Hörspeel?

Düsse Warksteed schall för Lüüd wesen, de al een Stück schreben hefft, oder ok geern mool versöken mochen, dat to doon.

Dat geiht hier üm Frogen no dat Handwark, de Hörspeeldramaturgie. Ok dat Besonnere von dat akustische Medium un dat Weten üm de Eegenaart von den plattdüütschen Dialog koomt to Woort.

Jeder kriggt Opgoven un schall denn to Huus Dialogszenen schrieven. So kummt no un no een ganzet Stück towege.

Dat Leit von de Seminare hefft Ursel Meyer (Autorin) un Dr. Jochen Schütt (ehed. Dramaturg bi Radio Bremen).

Dacht is an een Reeg von eerstmool veer Veranstaltungen. Jede geiht over enen Dag weg.

Jem schall dat alle söss Maand geven.

Dat Seminar warrd in de Wotermöhlen in Sudweyhe, Weyhe bi Bremen, afholen.

An 'n 1. November 2008 is dat eerste dor denn von morgens Klock 10 bit nomiddags üm Klock veer an de Reeg.

Keen metmoken moch, kann sek bit to den 15. Oktober 2008 mellen

bi Ursel Meyer, Grenzweg 34, 28844 in Weyhe, Tel.: 0421-8984664, E-Mail: u.meyer.weyhe[at]t-online.de

Se vertellt denn geern, wat `n noch weten mutt oder moch.

Foto (NN): Carl-Heinz Dirks, Ursel Meyer, Dr. Jochen Schütt

(Ursel Meyer, Weyhe)