Moin, leve plattdüütsche Frünnen!

(Sietdat ik opletzt mit "Moin, moin!" grööt heff, heff ik mi seggen laten, dat is snackhaftig. Eenmal "Moin!" langt :-)) Also wat de Septembermaand is, da hett sik ja orrig wat daan bi Plattpartu. Bi de Künst warrt de Reeg över Bawhuus-Architektuur in Dessau mit dat Staohlhuus afslaten. (Bawhuus-Fans trurig? Villicht maakt Ludgerd Lüske neegst Johr mehr to'n Bawhuus! Villicht.) Dorför hett en niege lose Reeg anfungen, de "open end" lopen warrt: H.Jürgen Grebin vertellt vun de Wunnerlichkeiten ut Kultuur, Natuur un Geschichte vun sin mäkelborgische Heimat. De Swatte See is de eerst Bidrag. In de Reeg "Judengeschichten" vun Dieter Guderian kriegt de jüdschen Lü ut Rehna Post vun'n allerdurchlauchtigsten Herzog. De Reeg hett nu ok en Zentraalsiet kregen.

So veel to uns' Serien! Dat Kruut vun'n Maand -- ok en Serie -- is dütmaal de Rizinus. Un de Rizinus duukt ok op in Rudi Witzkes Schöpfungs-Nadenken "Wat mit Hannen maakt is"; dor sleit he en skeptischen Bagen vun den niegen LCH in Genf bet na de wunnerliche Plant Rizinus. -- In Grönau geiht de Saison för de Andachten nu toenn, bi us sünd de Andachten nu wedder to lesen; dree Stück sünd dütmaal dortokamen. Dat Natuurnotizbook is ok vull. Un de politischen Notizböker vun Dieter Guderian un vun mi. Kiek man rin!

In'n Harvstmaand geev dat düsse niegen Bidrääg op Plattpartu.de:

Computerie:

De Works-Kurs hett den Instieg in de Tabellnkalklaschoon maakt.

Plattdüütsch Künst:

De lütte Mööv. Vun Martha Müller-Grählert     (28.9.)

Dat Bawhuus: Dat Staohlhuus in de Siedlung Törten. Vun Ludgerd Lüske    (14.9.)

Notizen ut'n Hornung. Fotos un Verse    (7.9.)

De Welt un Gott:

Andacht ut Grönau: Brücken. Vun Henning Tappe    (28.9.)

Andacht ut Grönau: Radels. Vun Hans Andresen    (21.9.)

Snorken. Vertellsel ut'n Alldag vun Marita Pollak    (21.9.)

Judengeschichten bi uns tohuus: De Herzog bestimmt allens. Vun Dieter Guderian    (17.9.)

"Wat mit Hannen maakt is..." Nadenken vun Rudi Witzke över Schöppung un den LHC    (14.9.)

Wunnerwarken in Mäkelborg: De Swatte See. Vun H. Jürgen Grebin    (14.9.)

Andacht ut Grönau: Bööm. Vun Henning Tappe    (7.9.)

...un 2 Andachten vun Heinrich Giesen

Natuur un Wetenschap:

Dat Kruut för'n Saatmaand: Rizinus. Vun Anke Nissen    (30.9.)

Langs den Drägerweg. Antje Heßler bemött heimische Natuur un exotische Nandus    (21.9.)

Lüttes Glück ut Asien: Marienkävers. Antje Heßler wedder op Fotosafari!    (17.9.)

...un in't Natuurnotizbook:

Harvstdaag an de Noordsee beleevt Antje Heßler    (28.9.)

In't Nett gahn! ...is de Krüüzspinn en dicke Brocken. Vun Antje Heßler    (21.9.)

An de Huuswand ...hett Ole Nissen en Eidechse    (14.9.)

Septemberholunner - de Johrstieden kaamt tohoop. Vun Marlou Lessing    (10.9.)

Septembersünn maakt Breetbuuksweevflegen Lust op Sex. Vun Antje Heßler    (7.9.)

Wat in de Welt vörgeiht:

De Torte. Vun K.-H. Nissen    (28.9.)

Dree niege Kortkommentaarn in Dieter Guderians Kommentaarbook.

...un 5 niege Kortkommentaarn in't Plattdüütsche Notizbook vun Marlou.

Hartlich grööt 

Marlou Lessing und dat lütte Plattpartu-Team  www.plattpartu.de