www.plattpartu.de

Moin Moin, leve plattdüütsche Frünnen!

(Ik heff mi in de Twüschentied wedder vun dat tweefache "Moin" övertügen laten :-))

Jungedi, dat Johr packt al wedder sin Plünnen tosamen, is aftosehn, dat will us verlaten. Dat letzte Klennerblatt vun Hildegard Toelke is rutkamen, wedder is en schöne Klenner-Reeg toenn. Meist lett dat, de Tied büxt us ut. Nich halv vun dat, wat wi geern beschicken wulln, hebbt wi schafft. (Se etwa?) Man noch staht us intressante Tieden in't Hus. De US-Wahl to'n Bispill. En heel plietschen Artikel vun en Psycholoog dorto, Woso wählt de Lü de Republikaners?, heff ik in Platt bröcht; is beten lang, man dat Lesen lohnt. Un jümmers wählt se ja ok nich de Republikaners :-)

In'n Oktobermaand full dat schöne Aarndankfest, 'neem wi allens hooch leven laat, wat Gott us dör de Natuur schenkt. Dorto hebbt wi düt Johr een vun de schöönsten Natuurleder kumplett frisch in Platt översett, dat Leed "Geh aus, mein Herz, und suche Freud". Dat is richtig festlich woorn.

Uns' Reegn över Judengeschichten un över de Wunnerwarken vun Mäkelborg wasst stüttig. Marita Pollak vertellt vun twee ünnerscheedlich Aarten Schnorrer, un op't Natuur-Flack hett sik na lange Tied mal wedder de Sünnschienkieker mellt (en groot Hallooo!) un vertellt vun Arachne un Sigismund, de en so'n beten, naja, perverses Leevsleven hebbt, Motto: No risk, no fun! -- De dat wat ruhiger mucht, hollt sik an dat Kruut, den Andorn.

Op www.numanto.de sünd söben niege Gedichten rutkamen, de mehrsten davun harvstlich-melancholisch, avers ok meditativ-natuurverbunnen as Thomas Seemanns Water- un Anglerlyrik.

Op www.vertelln.de is en langes Vertellsel nieg rutkamen: Slaaveree. Is 20 Sieden lang, ik weet. Man gegen Enn hett dat ok Action-Szenen! ;-)

Nu de Översicht. In'n Saatmaand geev dat düsse niegen Bidrääg op Plattpartu.de:

Computerie:

Dütmaal nix, nix för ungood!

Plattdüütsch Künst:

Laternenkinner. Sonett vun Hannelore Hinz    (19.10.)

Notizen ut'n Märzmaand. Fotos un Verse    (12.10.)

Vun Harvst na Winter. Klennerblatt mit Oginaalbiller vun Hildegard Toelke un Verse vun Ludgerd Lüske    (5.10.)

De Welt un Gott:

Judengeschichten: Wat is dat, en Jude? Vun Dieter Guderian    (26.10.)

Beleevnisse mit Schnorrer in Hamborg. Vun Marita Pollak    (26.10.)

Wunnerwarken in Mäkelborg: Dat nurddüütsche Buernhus. Vun H.-J. Grebin     (19.10.)

Andacht ut Grönau: Singen. Vun Gisela Küter    (19.10.)

Judengeschichten: Rein warrn in de Mikwe. Vun Dieter Guderian     (11.10.)

Wunnerwarken in Mäkelborg: De Danzlinde Galenbeck. Vun H.-J. Grebin    (5.10.)

To Aarndank 2008: Man to, min Hart...! Översetten vun Marlou Lessing     (5.10.)

...un 4 Andachten vun Heinrich Giesen

Natuur un Wetenschap:

Dat Kruut för'n Nevelmaand: Andorn. Vun Anke Nissen    (26.10.)

Sünnschienkieker: De Goorn-Krüüzspinn    (12.10.)

...un in't Natuurnotizbook:

Över Land! Vun Antje Heßler    (26.10.)

Meeräschen in de Trav, knipst vun Antje Heßler    (19.10.)

Harvst-Töver mit de Hamamelis. Vun Anke Nissen    (17.10.)

De Wegwarte, Bloom vun't Johr 2009. Vun Anke Nissen    (14.10.)

De Marienkäver-Plaag toovt bi Anke Nissen    (12.10.)

Fensternett! De Sektorenspinn besöcht Antje Heßler    (11.10.)

Wat in de Welt vörgeiht:

Woso wählt de Lü de Republikaners? Vun Jonathan Haidt     (12.10.)

Sack un Asche? Heinz Rehn schrifft an Minister Stegner    (1.10.)

Fief niege Kortkommentaarn in Dieter Guderians Kommentaarbook.

...un 3 niege Kortkommentaarn in't Plattdüütsche Notizbook vun Marlou.

Hartlich grööt 

Marlou Lessing und dat lütte Plattpartu-Team (www.plattpartu.de)