Plattpartu im November 2008

En schöne Adventstied wünscht wi Se, leve plattdüütsche Frünnen!

Al flackert de eerste Adventskerz op de Startsiet vun Plattpartu; man de Weg dorhen weer lang. Mit den Nevelmaand kannst an uns' Bidrääg sehn, wa sik de Gewichten verschuuvt: vun de Natuur buten hen in't Binnere vun den Minschen. Uns' Natuur-Maten hebbt bloots noch wenig to doon, de Natuur maakt so'n beten Sendepause; avers de Maten op dat Flack De Welt un Gott hebbt uns veel bitostüern. Düt Johr is ok de Martinsdag as wedderkehrn Fest mit dree Bidrääg dorbi: en Bänkelsang, en Bild-Gedicht un en Bortsdags-Hoochleven för Martin Luther. De Volkstruerdag stellt den Minschen vör meist unöverwindliche seelische Opgaven; Yad Vashem un dat Denkmal vun Bothkamp sünd bloots twee Mosaiksteen in en Bild, vun dat wi nich weet, wat dat amenn en Fredensduuv wiest; avers höpen doot wi dat. -- Mit den Ewigkeitssünndag wendt sik de Truur mehr un mehr na't Höpen to, un mit den eersten Advent kiekt wi wedder ganz na vörn.

Mehr op de Gegenwart kiekt de Lü, de op dat Flack Wat in de Welt vörgeiht togang sünd, un dorbi slackert se mit de Ohren. In Dieter Guderians Kommentaarn un in min egen Notizbook drifft de Finanzkrise jümmers noch ehrn lächerlichen Gespensterspijöök, Heinz Rehn lett keen godes Hoor an de Politikers, un Maat Jan hett rutfunnen, dat en Bankroof nix anners is as Stüerrückerstattung. 

Op www.numanto.de sünd twee niege Gedichten rutkamen, de noch to den novemberlichen Johrs- un Levensafscheed höört. To Wiehnachten warrt dat nochmaal en lütt Extra-Update geven.

Nu de Översicht. In'n Nevelmaand geev dat düsse niegen Bidrääg op Plattpartu.de:

Computerie:

Hett nich klappt, süüfz!

Plattdüütsch Künst:

November. Gedicht vun H. Seidel, överdragen un bebillert vun L. Lüske    (24.11.)

Freedhoffssonett & De lange Dag. Lyrik to'n Dodensünndag vun H. Hinz un H.F.Chorley    (23.11.)

An'e Elbestrand. Ändy maakt Soulmusik op Platt    (9.11.)

Notizen ut'n Oostermaand. Fotos un Verse    (9.11.)

Philemon un Baucis. Kunst un Natuur in'n Gerischpark in Niemünster. Vun Antje Heßler    (2.11.)

De Welt un Gott:

Adventstiet. Andacht ut Grönau vun Reinhard Reetz    (30.11.)

Licht. Andacht vun K.-H. Sadewasser    (24.11.)

Judengeschichten bi uns tohuus: Fanny. Vun Dieter Guderian    (23.11.)

Swatte Engel. To'n Ewigkeitssünndag. Vun Rudi Witzke    (23.11.)

Höpen un Vertruun. Andacht ut Grönau vun Reinhard Reetz    (23.11.)

Wunnerwarken in Mäkelborg: Dei Hägerurt mit sien Hagendörper. Vun H.J.Grebin    (16.11.)

Yad Vashem. Meditaschoon an'n Volkstruerdag vun Rudi Witzke    (16.11.)

Martinsdag. Bild-Gedicht vun Rudi Witzke    (10.11.)

De Martensmann. En niege Bänkelsang vun Hannelore Hinz. Mit Musik un Achtergundweten!     (10.11.)

Luther to sien Bortsdag. Vun K.-H. Sadewasser    (10.11.)

Judengeschichten bi uns tohuus: Rehna. Vun Dieter Guderian    (6.11.)

Warmnis. Andacht ut Grönau vun Reinhard Reetz    (2.11.)

...un 6 Andachten vun Heinrich Giesen

Natuur un Wetenschap:

Dat Kruut för'n Christmaand: Koriander. Vun Anke Nissen    (30.11.)

Harvstklöören in'n Goorn -- mit twee smucke Wanzen. Vun Antje Heßler    (24.11.)

...un in't Natuurnotizbook:

Vielliebchen! Vun Antje Heßler    (30.11.)

Dat Kruut an de Autobahn. Vun Anke Nissen    (23.11.)

Nevelmaand! Vun Antje Heßler    (9.11.)

Besöök vun de Fule Greet. Vun Antje Heßler    (2.11.)

Wat in de Welt vörgeiht:

De duppelte Thomas-Mann-Pries. Vun K.-H. Nissen    (30.11.)

Dat Denkmal vun Bothkamp. En Fröhjohrsbesöök an'n Volkstruurdag. Vun Marlou Lessing    (16.11.)

Lecker Eten! Anke Nissen warrt vun Knuuvlook verfolgt    (9.11.)

Maat Jan: Sinn-Spröök. Satire    (2.11.)

Wat se seggt un wat se doot. Hein Rehn wascht wedder de Politikers den Kopp    (2.11.)

2 niege Kortkommentaarn in Dieter Guderians Kommentaarbook.

...un 2 niege Kortkommentaarn in't Plattdüütsche Notizbook vun Marlou.

Platt to Hand:

3 niege Riemels vun Marita Pollak över Männer, Fruuns un de Schrecken un Freuden vun't Öllerwarrn.

De neegste Rundbreef warrt al in't niege Johr 2009 kamen! Wi wünscht Se all en segent Wiehnachtsfest un en freedlichen Johrswessel!

Hartlich

Marlou Lessing und dat lütte Plattpartu-Team

(www.plattpartu.de)