www.plattpartu.de

Plattpartu in'n Christmaand

Frohes nieges Johr, leve plattdüütsche Frünnen!

En beten skeptisch bün ik ja vunwegen 2009. Mag ween, dat us dat vun överall inswiestert warrt: Rezessioon! Kriege! En slechtes Johr! -- Dat sleit denn jichenswenn ok dör op de Stimmung. Man da schulln wi nich so veel op geven. Wat kann dat niege Johr daför, dat dat so slechtmaakt warrt? Kann liekers en wunnerschönes Johr warrn! So much dat ween.

In'n Christmaand regeer bi Plattpartu dat Flack "De Welt un Gott". Reinhard Reetz hett en lütte Reeg vun Advents-Andachten schreven, de bi de Grönauer Andachten staht. Ok en trurige Naricht steiht da: Kort vör Wiehnachten is uns Maat Harry Ziebell, de mennig Andachten in Grönau hollen un för us opschreven hett, op de Grote Reis gahn. Sin Stimm warrt us fehlen. 

Man ok niege Stimmen hebbt sik mellt: Inge Weiland hett de lütt Legende vun'n Strohsteern vun Else Tümmel in Platt bröcht, un Cord Denker hett en ganz besünner Wiehnachtsleed to de Melodie "Stille Nacht" schreven, en Wiehnachtsleed, dat de skeptische Stimmung to den Johrswessel 2008/2009 weddergifft un liekers Moot maakt. Wi freit us as jümmers över all niegen Mitmakers! -- Un nich bloots Wiehnachtliches hebbt de Maten da tohoopdragen; togliek mit Wiehnachten is ok Chanukka, un ok Erinnern-Bidrääg sünd wedder dorbi, dorünner Otto ut Niemünster vun Marita Pollak, de een de Hoor tohööcht stahn lett. Un de Reegn över Mäkelborg un de Judengeschichten natüürlich!

Op dat Flack "Wat in de Welt vörgeiht" is glieks noch en niege Mitmaker willkamen: Heinz Wolbers kiekt "twüschen de Johrn" torüch un vörut op den Tostand vun de Welt. Un ok Cord Denker drept wi hier wedder; he schickt Josef Ackermann -- nee, nich in de Wööst, sünnern na Bethlehem...

Ok op www.numanto.de finnt sik en muntere Ballaad vun Heinz Wolbers. De annern twee niegen Gedichten sünd mehr wiehnachtlich-nawiehnachtlich-ooltjohrsavendlich. Marita Pollak is op Numanto.de to'n eersten Mal to höörn. 

Nu de Översicht. In'n Christmaand geev dat düsse niegen Bidrääg op Plattpartu.de:

Computerie:

De Workskurs hett dat grote Kapittel över Formeln kregen.

Plattdüütsch Künst:

Wintertiet. En Leed, Text un Musik vun Hanne Hinz    (21.12.)

Notizen ut'n Maimaand. Fotos un Verse    (7.12.)

De Welt un Gott:

Judengeschichten: Juden in Moisling. Vun Dieter Guderian     (28.12.)

De eerst Strohsteern. Legende vun Else Tümmel, Platt vun Inge Weiland    (26.12.)

Swatt is de Nacht. Wiehnachtsleed vun Cord Denker mit Biller vun Rudi Witzke    (25.12.)

Hillge Nacht. Bild-Gedicht vun Ludgerd Lüske    (24.12.)

Dor kümmt een to Besöök. Andacht vun Reinhard Reetz    (21.12.)

Truur üm Harry Ziebell     (18.12.)

Otto ut Niemünster. Vertelln vun Marita Pollak    (14.12.)

Över dat Schenken. Andacht vun Reinhard Reetz    (14.12.)

Twee Sieden. Vertellsel vun Günter Schiller    (14.12.)

Wunnerwarken in Mäkelborg: Dei 500jöhrige Wildappelboom. Vun H.Jürgen Grebin    (7.12.)

Chanukka. Vun Dieter Guderian    (12.12.)

As Buckwust noch Buckwust weer. En Erinnern vun Günter Weber    (7.12.)

Maria. Andacht vun Reinhard Reetz    (7.12)

...un 7 Andachten vun Heinrich Giesen

Natuur un Wetenschap:

Dat Kruut för'n Sneemaand: Gundermann. Vun Anke Nissen    (31.12.)

De Paranutt un Nuttknackerkönig Georg III. sien Noot. Bericht un Märken vun Antje Heßler    (24.12.)

Twee Wintervertelln vun Marita Pollak    (21.12.)

...un in't Natuurnotizbook:

Rieken Fischfang! Vun Antje Heßler    (21.12.)

Moby Dick. Vun Antje Heßler    (14.12.)

Weddersehn an't Water! Vun Antje Heßler    (7.12.)

Wat in de Welt vörgeiht:

Gedanken to'n Johrswessel. Vun Heinz Wolbers    (28.12.)

De Spitz. Vun Anke Nissen    (25.12.)

De Reis no Bethlehem. Satirisches Vertellsel vun Cord Denker    (14.12.)

1 niege Kortkommentaar in Dieter Guderians Kommentaarbook.

...un 1 niege Kortkommentaar in't Plattdüütsche Notizbook vun Marlou.

Platt to Hand:

En Wiehnachtsballaad vun Walter Rathmann un en Smuustergrienen över Junge Lüüd vun Brigitte Fokuhl.

Kaamt Se good an in't Johr 2009 un richt Se sik dat komodig in!

Hartlich grööt

Marlou Lessing und dat lütte Plattpartu-Team

(www.plattpartu.de)