05.02.2009 - (9013) 15 Jahre Plattdeutsche Nachrichten bei NDR 90,3
 
              PLATTNET-Nachrichten - 05.02.2009 

 

   

 

15 Johr Plattdüütsche Norichten op NDR 90,3

„Klock halbig negen. Goden Morgen.“ Dormit un mit den Jingle „NDR 90,3 – de Norichten op Platt“ mell sik Peter Nissen op den Poeng Klock halbig negen mit dat Neeste ut Hamborg un de Welt. So to hören to’n eersten Mol an’n 5. Februar 1994. Dat is föffteihn Johr her, dor güngen bi dat Hamborger Stadtradio NDR 90,3 de Plattdüütschen Norichten op Sendung. Siet de Tiet höört se fast to dat Programm vun NDR 90,3. De eersten fiev Johr geev dat de plattdüütschen Norichten eenmol de Week jümmer sünnobends to hören. Siet Januar 1999 köönt Ji de Norichten vun Moondag bet Sünnobend, also söss Mol de Week, üm Klock halbig negen toluustern. Vun Anfang an dorbi as Öbersetters un Sprekers sünd Hartmut Cyriacks und Peter Nissen. Hüüt höört to de Norichten-Kru ok noch Christianne Nölting, Jan Graf un Bernhard Koch. Wenn Hörers schrievt oder anroopt, denn seggt se jümmers wedder, dat jüm de direkte Oort vun’t Plattdüütsche besünners goot gefallen deit. So möögt se to’n Bispill geern so wat hören as „De HSV hett de Bayern mit 5 to 3 to Bett schickt“.

Op de Internet-Siet
www.ndr903.de köönt Ji de Norichten Dag för Dag frisch nolesen oder ok as Podcast anhören. Nich bloots mit düt in Norddüütschland eenmolige Angebott bringt NDR 90,3 dat Plattdüütsche vöran. Wiesen doot dat ok Sendungen as “Wi snackt platt” mit Klöönsnack un Dööntjes, “Hör mal ‘n beten to” un “Platt för Anfängers”.

 

(NDR Pressedienst 5.2.2009)

_____________________________________________________________________________________________________________________________________________________________________

PLATTNET.de   Nachrichten

Volker Holm, Buchenweg 35, D-22926 Ahrensburg, Tel. 49-4102-4739108 - http://nachrichten.plattnet.de

PLATTNET.de   Nachrichten-Archiv: alle Nachrichten unter http://archiv.plattnet.de/

PLATTNET.de  ist ein Dienst des Zentrums für Niederdeutsch in Holstein (www.niederdeutsch-zentrum.de)  

PLATTNET.de  Nachrichten  können unter folgenden Bedingungen verwendet und weiterverbreitet werden: http://creativecommons.org/licenses/by/2.5/deed.de

Eine Weitergabe der Adressaten-Daten, vornehmlich für gewerbliche Zwecke, ist ausgeschlossen.

Wer in Zukunft keine E-Mail-Informationen von PLATTNET haben möchte, den bitten wir, uns das in einer kurzen Nachricht mitzuteilen: nieges@plattnet.de