03.04.2009 - (9019) Plattpartu im März 2009
 
              PLATTNET-Nachrichten - 03.04.2009 

 

 

            www.plattpartu.de

 

 

Aprilapril, leve plattdüütsche Frünnen!

 

Nee, düt is keen Aprilscherz, dat is allens wohr, wat ik hier schriff (düt ok ;-)). Se köönt dat napröven, indem dat Se op de Links in düsse Mail klickt. Also: In'n Märzmaand weer richtig wat los bi Plattpartu. Mit Katja Renfert is to uns' Freud en niege (hamborger) Stimm to höörn, de mit Lyrik, Fotos, Natur un minschliche Betrachten heel veelschichtig is. 

 

Dör Christa Ahlborns Plastik to en Gedicht vun Manfred Hausmann is ok Ludgerd Lüske to stückerwat Hausmann-Översetten anreegt woorn; dat schöne Fredensgedicht findt Se tosamen mit Cord Denkers Versen "Fasten Grund" in de Lyrik in de Passioonstied. To de Passioon un dat kamen Oosterfest hebbt wi ok en groten Barg Andachten vun Heinrich Giesen överdragen. De mehrsten Översetten hett Anke Nissen maakt.

 

Op dat Erinnern-Flack findt sik in uns' Reegn Judengeschichten un Mäkelborg dat mobile jüdsche Museum, dat Purimfest, dat Dörp Hoben un de Lichtenhäger Stiernbiller-Findlingsgorden. Un dortwüschen dokumenteert Helmut Marxen ut Angeln en beten kniepöögsch Seggwiesen to Weder un Buurnregeln un to Fröhjohr, Köh & Co. Ursula Vollstedt vertellt vun en wohres Begeevnis, dat man even noch good utgüng.

 

Op dat Natuur-Flack is de Lent utbraken; dat sühst ganz klaar an dat vulle Natuurnotizbook. Katten, Insekten, Planten, Vagels, Kröten un sogoor Steens is de Lent in't Bloot schaten un bringt de Hormone in Draff. Marita Pollak helpt de Vagels bi'n Nestbuu, un Inge Weiland hett dat Drieven vun ehr Iritsche glieks in Versen beschreven. In de Steen-Reeg lücht blaag de Lapislazuli, un dat Kruut för'n Oostermaand is de Möösch, ok Waldmeister.

 

Angela Merkel kriggt to'n Internatschonalen Fruunsdag vun Hanne Hinz wat in't Stammbook sungen, un K.-H. Nissen will weten, wa lang en Milliarde langt, wenn he elkeen Dag teihndusend Euro verknallt. Dorto muttst reken - un denn wunnerwarken. Milliarden geevt ok Dieter Guderian to denken, un dat Notizbook vun Marlou langt dütmal bet in't Paradies.

 

Bi Platt to Hand warrt dat sachen jümmer kulinarischer. Nu hett Hannelore Hinz de Mäkelborger Biersupp as Riemelrezept verewigt. (Den Gröönkohl un den Pickert gifft dat da ja al.) Na denn Prost, orr goden Aptiet!

 


Nu de Översicht. In'n Märzmaand geev dat düsse niegen Bidrääg op Plattpartu.de:

 

Computerie:

 

De Works-Kurs hett een nieges Kapittel kregen.

 

Plattdüütsch Künst:

 

Weeg. Lyrik un Fotos vun Katja Renfert    (22.3)

Notizen ut'n Aarnmaand. Fotos un Verse    (15.3.)

Op Wacht. Gedichtöversetten mit Bild    (8.3.)

 

De Welt un Gott:

 

Mäkelborg: De Stiernbiller-Findlingsgorden in Lichtenhagen. Vun H.J.Grebin    (29.3.)

Fasten Grund. Lyrik to de Passioonstied    (29.3.)

Dat Fröhjohr kümmt - mit Angeliter Seggwiesen vun Köh & Co., opschreven vun Helmut Marxen    (22.3.)

Ok en oles Handy kann Leven redden. Wohres Vertelln vun Ursula Vollstedt    (15.3.)

Mäkelborg: Hoben - ein Fischerurt ahn Fischer. Vun H.J.Grebin    (15.3.)

Güllen Hoochtied. Hoochtiedspredigt vun Henning Tappe    (15.3.)

Judengeschichten: Vergnöögte Tieden to Purim. Vun Dieter Guderian    (10.3.)

Öller warrn. En Betrachten vun Katja Renfert    (8.3.)

Wenn de Hahn kreiht op de Mist... Seggwiesen vun't Weder un Buurnregeln, opschreven vun Helmut Marxen    (1.3.)

Jüdisches Museum on tour. Vun Dieter Guderian    (1.3.)

Da kannst di to verlaten. Andacht ut Grönau vun Joachim Siemers    (1.3.)

 

...un 20 Andachten vun Heinrich Giesen

 

Natuur un Wetenschap:

 

Dat Kruut för'n Oostermaand: Waldmeister. Vun Anke Nissen     (29.3.)

Steens: Lapislazuli. Vun Anke Nissen    (22.3.)

De Iritsch. Vagel-Versporträt vun Inge Weiland    (8.3.)

Vörfreuhlingsvertelln. Twee Vertellsel vun Marita Pollak    (7.3.)

 

...un in't Natuurnotizbook:

 

Katten. Vun Anke Nissen    (31.3.)

Küll in'n Märzenmaand. Vun Antje Heßler    (29.3.)

Steen finnen. Vun Anke Nissen    (22.3.)

Vagel mit Huuv un gelen Steert. Vun Anke Nissen    (22.3.)

Fröhjohrsanfang. Vun Antje Heßler    (19.3.)

Elfen-Krokus. Vun Antje Heßler    (15.3.)

Königlichen Besöök hett Antje Heßler    (15.3.)

Krötenwannern to tweet. Vun Katja Renfert    (8.3.)

Eersten Besöök. Vun Antje Heßler    (7.3.)

Mardelblööm, dat "Gänseblümchen". Vun Anke Nissen    (7.3.)

Dubbelgänger! Vun Antje Heßler    (1.3.)

 

 Wat in de Welt vörgeiht:

 

Song för Angela Merkel to'n Internatschonalen Fruunsdag. Vun Hannelore Hinz un M.L. Lessing    (8.3.)

Reken. Nadenkerie över Summen vun K.-H. Nissen    (1.3.)

 

4 niege Kortkommentaarn in Dieter Guderians Kommentaarbook.

 

...un 6 niege Kortkommentaarn in't Plattdüütsche Notizbook vun Marlou.

 

Platt to Hand:

 

Biersupp ut Mäkelborg. Rezeptriemel vun Hannelore Hinz    (22.3.)


En frohes Oosterfest wünscht

Marlou Lessing und dat lütte Plattpartu-Team 

 

(Nieges von: www.plattpartu.de) 

_____________________________________________________________________________________________________________________________________________________________________

PLATTNET.de   Nachrichten

Volker Holm, Buchenweg 35, D-22926 Ahrensburg, Tel. 49-4102-4739108 - http://nachrichten.plattnet.de

PLATTNET.de   Nachrichten-Archiv: alle Nachrichten unter http://archiv.plattnet.de/

PLATTNET.de  ist ein Dienst des Zentrums für Niederdeutsch in Holstein (www.niederdeutsch-zentrum.de)  

PLATTNET.de  Nachrichten  können unter folgenden Bedingungen verwendet und weiterverbreitet werden: http://creativecommons.org/licenses/by/2.5/deed.de

Eine Weitergabe der Adressaten-Daten, vornehmlich für gewerbliche Zwecke, ist ausgeschlossen.

Wer in Zukunft keine E-Mail-Informationen von PLATTNET haben möchte, den bitten wir, uns das in einer kurzen Nachricht mitzuteilen: nieges@plattnet.de