www.plattpartu.de

Plattpartu in'n Aprilmaand

Hartliche Maiengröten, leve plattdüütsche Frünnen!

De Aprilmaand bröch us dat Oosterfest, düt Johr besünners hooch, still un fierlich, streng bewacht vun en allens dördringen Sünn an en dörsichtig makellosen Heven. Midücht, düt Oosterfest warr ik nich so bald vergeten. -- Sünnerlich uns' Maten op dat Flack De Welt un Gott hebbt veel un wunnerbore Texten un Biller to düt Fest tosamendragen, mehr noch as in de Johren tovöör. Lyrik vun beropen Dichters mit egen Biller geiht op de Söök un fiert den Oosterdag. De Neddersässische Oosterkantate in Kalenberger Platt vun Konrad Tegtmeier † ut de 1950er Johren is en Rarität; en hoochdüütsches Vörwoort dorto verklaart den Text. De NDR hett noch de ole Klangdatei un hett se us ok op CD toschickt -- avers de dröfft wi leider nich wiesen! :-)

Ok anner, nich-öösterliche Bidrääg hett de April bröcht, eernste as Vundaag is Lotto vun Else Pannek un grotesk komische as De Reis no Barmbek vun Claus Günther. De Judengeschichten vertellt us, dat so'n Landjuud in verleden Johrhunnerten bet to veer Spraken snacken kunn; un Gisela Reink stellt us in Mäkelborg dat kurioos-kaptaale Bökerhotel vör.

Ok bi de Natuur oostert dat; avers denn lett de slohwitte Caspar sin eerst I-Ah hören. Un dat Buschwindröschen blöht.

Bi Platt to Hand gifft dat en Bortsdagssonett vun Hanne Hinz, un dat is ja nu ok en Gratelaschoon an Plattpartu. Denn de Aprilmaand is ja ok de Bortsdagsmaand vun Plattpartu sülven. Düt Johr is dat de söbente. Un as wi us to'n Bortsdag geern sülven so'n beten wat schenken doot, hebbt wi still un liesen wedder wat Niegs anfungen: In Tokumst schall dat mehr un mehr Bidrääg ok as Klangdatei geven, op't Best vörleest vun de/n Verfater/sch sülven. Dat kann intressant ween för de Lü, de in ehrn Alldag nich mehr veel Platt snacken höört -- un intressant ok vunwegen de velen schönen Platt-Dialekten, de sik bi us findt. De eersten Klangdatein sünd al dor:

• Dree Sonette vun Shakespeare kannst anhöörn
• Andacht vun H.Giesen to'n 14. März (nerrn in'n Bidrag)
• Andacht vun H.Giesen to'n 26. März (nerrn in'n Bidrag)
• Andacht vun H.Giesen to'n 31. März (nerrn in'n Bidrag)
• Andacht vun H.Giesen to'n 1. April (nerrn in'n Bidrag)

In Tokumst kriegt Se ok jümmers in düssen Rundbreef to weten, wennehr niege Klangdatein rutkamen sünd.

Un toletzt: Ok bi www.numanto.de sünd to'n Maimaand niege Gedichten rutkamen -- ganze 7 (in Wöör: söben)! Wat dat wohl to'n söbenten Bortsdag vun Plattpartu meent is...?

Nu de Översicht. In'n Oostermaand geev dat düsse niegen Bidrääg op Plattpartu.de:

Computerie:

Dütmaal hett dat nich klappt, pardon!

Plattdüütsch Künst:

Wegwieser - Weltenruum. Biller un Verse vun Ludgerd Lüske    (13.4.)

Weg in'n Daok. Manfred Hausmann, översett vun Ludgerd Lüske    (10.4.)

Notizen ut' Harvstmaand. Fotos un Verse    (5.4.)

De Welt un Gott:

Dr. Trittelvitz. Andacht vun K.-H. Sadewasser    (28.4.)

Mäkelborg: Dat Bökerhotel in Grot Breesen. Vun Gisela Reink    (26.4.)

Vundaag is Lotto. Vun Else Pannek    (26.4.)

Judengeschichten: Spraken op't Land in Meckelnborg. Vun Dieter Guderian     (19.4.)

De Reis no Barmbek. Groteske vun Claus Günther    (19.4.)

Nach Oostern. Andacht vun K.-H. Sadewasser    (14.4.)

Lyrik to dat Oosterfest mit Digitalbiller vun Rudi Witzke    (13.4.)

Oosterlecht. Digitalbild un Vers vun Ludgerd Lüske    (13.4.)

De Eierhütt in'n Jenischpark. Vun Katja Renfert    (12.4.)

Niedersächsische Osterkantate vun Konrad Tegtmeier    (12.4.)

En Rotkehlchenfabel. Vun K.-H. Sadewasser    (10.4.)

De Tranentog. Erinnern vun Harry Ziebell    (10.4.)

Luster eis, Gott! Rudolf Otto Wiemer, översett vun L.Lüske    (9.4.)

Judengeschichten: Leven in Moisling. Vun Dieter Guderian    (5.4.)

...un 4 Andachten vun Heinrich Giesen

Natuur un Wetenschap:

Dat Kruut för'n Maimaand: Buschwindröschen. Vun Anke Nissen    (26.4.)

Caspar, de witte Zwergesel. Vun Antje Heßler    (19.4.)

Springborn! - Oosterwater. Vun Antje Heßler    (12.4.)

...un in't Natuurnotizbook:

Aprilsünn weckt de Blootimm. Vun Antje Heßler    (26.4.)

Blaag-violett? Vun Anke Nissen    (19.4.)

Keen blaag Pogg. Vun K.-H. Nissen    (10.4.)

Oosterspazeergang. Vun Antje Heßler    (7.4.)

Pelzdeert mit vele Been: De Bruun Boor. Vun Antje Heßler    (5.4.)

Wat in de Welt vörgeiht:

3 niege Kortkommentaarn in Dieter Guderians Kommentaarbook.

...un 4 niege Kortkommentaarn in't Plattdüütsche Notizbook vun Marlou.

Platt to Hand:

Geburtsdagssonett vun Hannelore Hinz    (12.4.)

En wunnerschönen Wonnemaand wünscht

Marlou Lessing und dat lütte Plattpartu-Team