„Du kannst mi maal – op Platt anschrieven“

Ünner dit Leitwoord hett de Kunst-AG vun de Oberschool in Rodenborg an de Wümm nu al de tweete Tuur en Postkaarteneditioon rutgeven. Plattdüütsche Snacks sünd mit de Help vun verscheden künstlerisch Techniken modeern un witzig ümsett worrn. Maakt hebbt dat Schölers ut de Klassen 7 bit 13 ünner dat Leit vun jüm ehre Schoolmestersche Birgit Lemmermann. De eerste Editioon weer al lang utverköfft, nu hett sik de AG wedder op de Söcken maakt na nee’e Snacks un nee’e Ideen, dat Wark antogahn. 16 verscheden Postkaarten sünd in den Schuver binnen, den Ji för 7,00 Euro bestellen künnt.  Mit den Verkoop warrt denn ok eerstmaal de Druckkösten afbetahlt, man to’n Glcük is de List vun de Vörbestellers al goot lang.

To kriegen is de Editioon över dat Schulbüro, Ratsgymnasium Rotenburg, Gerberstr. 14, 27356 Rotenburg, Tel: 04261 983 35 35 oder över de AG-Leitersch Birgit Lemmermann, Heidhauerkamp 4, 27356 Rotenburg-Unterstedt, mail: birgit.lemmermann@gmx.de