Plattpartu in’n Juli  (Heumaand) 

(wegen de Ferientiet kann PLATTNET den Rundbreef vun Plattpartu nu eerst wiedergeben.)

www.plattpartu.de

Moinmoin, leve plattdüütsche Frünnen!

Oha, hüüt geiht de Rundbreef eerst an'n 5. vun'n nafolgen Maand rut, da heff ik ja nu meist en gaaanz slecht Geweten! To Entschülligen maak ik en niegen Schüddelriemel:

De Pünktlichkeit: en hoge Döögt,

man Sommertied dat Ooge höögt.

("Döögt" bedüüdt blangenbi "Tugend".) Also, en beten vun den Vertoog hett dat schöne Weder verschüllt, un dat schöne Weder warrt Se dat doch nich övelnehmen? ;-)

Uns' Mix is wedder orrig bunt, as sik dat för'n Sommer höört. Op dat Künst-Flack stellt Ludgerd Lüske Hermann Lammers Meyer vör, de dree vun sin Countrysongs mitbröcht hett -- mit Musik! Un Klaus Bischoff verklaart, woans dat würklich weer mit de Bremer Stadtmuskanten. Vun Lübecks Geschichte as Havenstadt vertellt Karl-H. Nissen.

De notorischen Natuur-Maten drievt sik nu in Sommer all buten rüm -- un sorgt dorbi för rieklich Natuurnotizen un tokamen schöne Natuurbidrääg. Op dat Erinnern-Flack hebbt uns' Maten wedder veel tohoopdragen, vun'n Brarupmarkt över en terbrekliche Vaas in härteste Tieden bet na'n Klützer Winkel. Niege Klangdatein gifft dat ok: Antje Heßler hett den Aurorafalter un den Esel Caspar op Datei leest.

Op www.numanto.de hett dat to'n Aarnmaand en schönes Update geven mit veer niege Gedichten, de sik mehrst all mit Moders un Grootmoders befaten doot. Un mit Geschenke. Jichenswie passt dat -- min Mama hett ok bald Bortsdag.

--------------------------------------------------------------------------------

Nu de Översicht. In'n Heumaand geev dat düsse niegen Bidrääg op Plattpartu.de:

Computerie:

To den Works-Kurs is 1 nieges Kapittel tokamen (naja, nich direkt in'n Heumaand, dat heff ik poor Daag to laat rinmogelt, wieldat ik hier nich wedder schrieven wull, dat hett nich klappt -- woor ja langsam schaneerlich... :-))

Plattdüütsch Künst:

De Bremer Stadtmuskanten in Achim. Vun Klaus Bischoff    (26.7.)

Lübeck: Haven un Hanse. Vun Karl-H. Nissen    (19.7.)

Country op Platt: Hermann Lammers Meyer. Vun Ludgerd Lüske     (12.7.)

Notizen ut'n Christmaand. Fotos un Verse    (5.7.)

De Welt un Gott:

Vun den Physikünnerricht un den Swiensmesshupen. Vun Günter Weber    (26.7.)

Woans wi riek wöörn. Vun Rudi Witzke    (19.7.)

Marietta. Vun Karl-H. Nissen    (12.7.)

Mäkelborg: Dei Klützer Winkel. Vun H.-Jürgen Grebin    (12.7.)

Wat een mit en Blaumenvaas allens beleevt. Vun Rudi Witzke    (5.7.)

Markt to Jacobi in Brarup. Vun Helmut Marxen    (5.7.)

...un 4 Andachten vun Heinrich Giesen.

Natuur un Wetenschap:

Dat Kruut för'n Aarnmaand: Aronstab. Vun Anke Nissen     (29.7.)

...un in't Natuurnotizbook:

De Königskerze. Vun Anke Nissen    (26.7.)

De Bottervagelboom. Vun Antje Heßler    (12.7.)

Greta Nümmersatt! Vun Antje Heßler    (12.7.)

Seenevel in Tramünn. Vun Antje Heßler    (5.7.)

Ziermahn. Vun Antje Heßler    (5.7.)

Wat in de Welt vörgeiht:

Speelplatzkuntrull. Vun Rudi Witzke    (26.7.)

Junge Lüüd. Vun Karl-H. Nissen    (19.7.)

...un 1 niege Kortkommentaar in't Plattdüütsche Notizbook vun Marlou.

Niege Klangdatein:

Zwergesel Caspar

Aurora

3 Songs vun Hermann Lammers Meyer

--------------------------------------------------------------------------------

Hartlich grööt

Marlou Lessing und dat lütte Plattpartu-Team (www.plattpartu.de)